Create successful ePaper yourself
Turn your PDF publications into a flip-book with our unique Google optimized e-Paper software.
Virgilio S. Almario<br />
NASYONALISASYON AT MODERNISASYON<br />
NG FILIPINO<br />
MAGANDANG BALIKÁN bílang panimula ang isang pahayag noon ni Saussure<br />
hinggil sa tungkuling patuloy na baguhin ang wika. “Hindi táyo dapat mapiit,” sabi niya,<br />
“sa kung ano ang wika ngayon.” Walang wikang perpekto; kailangang isunod ang wika<br />
sa nagbabagong pangangailangan ng mga gumagámit nitó; kailangang baguhin ang wika<br />
upang maging higit na episyente at kapaki-pakinabang sa mga gumagámit nitó. Ang<br />
mga katotohanang ito ang pangunahing motibasyon para sa tinatawag na pagpaplanong<br />
wika—na walang iba kundi ang metodiko at sistematikong gawain upang mapangasiwaan<br />
at mapaunlad ang isang wika, lalo na ang paglikha, pagpapalaganap, at pagpapayaman sa<br />
isang napagkaisahang panrehiyon, pambansa, o pandaigdigang wika.<br />
Kaugnay nitó, may pananaw na nasyonalisasyon at modernisasyon ang kambal<br />
ngunit nagtutunggaling oryentasyon ng pagpaplanong wika sa mga bansang umahon<br />
mula sa matagal na panahon ng kolonyalismo at nagpasiyang magkaroon ng sarili at<br />
katutubong wikang pambansa nitóng nakaraang siglo. Napakatotoo nitó sa Filipinas mula<br />
nang itadhana ng 1935 Konstitusyon ang isang wikang pambansa batay sa isang wikang<br />
katutubo. Pinatutunayan naman ng mga pangyayari sa loob ng nakaraang 80 taón na<br />
lubhang mabigat na tungkulin ang nasyonalisasyon at modernisasyon bílang tambalan at<br />
magkaagapay na direksiyon sa pagsusúlong ng wikang pambansa. Bukod pa, ang kawalan<br />
ng sapat na tangkilik ng pamahalaan—na malinaw na makikíta sa kawalan ng pondo<br />
para sa kailangang gawin ng pambansang ahensiyang pangwika at sa nawawalang target<br />
pangwika sa kabuuang pambansang planong pampolitika at pangkabuhayan—ay malimit<br />
na magdulot ng problema kung alin sa kambal na direksiyon ang dapat unahin at asikasuhin.<br />
Sa kabilâng dako, maaari ding sabihin ngayon na hindi napag-ukulan ng mga<br />
namahala sa pagsúlong ng <strong>Wika</strong>ng Pambansa ang pagbalangkas ng isang pangmatagalang<br />
plano para matupad ang tadhana ng 1935 Konstitusyon. May mga tungkuling inilista ang<br />
Batas Komonwelt Blg. 184 para sa National Language Institute, ang naging Surian ng<br />
<strong>Wika</strong>ng Pambansa (Institute of National Language), ngunit hindi ito naisalin túngo sa isang<br />
kongkretong programa para palaganapin ang Tagalog at maging wikang opisyal at wika ng<br />
edukasyon. Ito rin ang maaaring gamíting pangunahing kahinaan ng nakaraang mahigit 20<br />
taón ng Komisyon sa <strong>Wika</strong>ng <strong>Filipino</strong> (KWF) pagkaraang itatag sa bisà ng Batas Republika
Change language