Create successful ePaper yourself
Turn your PDF publications into a flip-book with our unique Google optimized e-Paper software.
Ernesto Constantino<br />
ANG PILIPINO BILANG WIKANG PANTURO<br />
ANG UNANG PORMAL na pagsubok sa paggamit ng Pilipino sa pagtuturo ng mga<br />
kurso (maliban sa mga kursong Pilipino) sa Unibersidad ng Pilipinas ay ginawa noong<br />
1968-69 nang sinimulang gamitin ang wikang ito bilang wikang panturo ng ilang propesor<br />
sa Kolehiyo ng Sining at Agham ng Unibersidad. Ang interes na nilikha at pagtangkilik<br />
na tinanggap ng “eksperimentong” ito sa mga propesor at mag-aaral ay nagbunga ng<br />
pagpapatibay noong 1969 sa patakaran na lantarang nagpapahintulot na gamitin ang<br />
Pilipino bilang wikang panturo sa Unibersidad.<br />
Sa kasalukuyan ang Pilipino’y ginagamit bilang wikang panturo sa lahat ng<br />
departamento ng Kolehiyo ng Sining at Agham ng Unibersidad ng Pilipinas (gayundin<br />
sa karamihan kundi man sa lahat ng ibang sangay na akademiko ng Unibersidad). Sa<br />
Departamento ng Pisika na lamang ay apatnapu sa pitumpung seksiyong binuksan nitong<br />
semestreng ito ang itinuturo’y hindi Pilipino, pinahihintulutan at ginaganyak ang mga<br />
mag-aaral na gamitin ang Pilipino sa anumang oras at sa anumang bagay, halimbawa at sa<br />
pagsagot sa klase at sa pagsulat ng kanilang pagsusulit, sulating-pananaliksik (term paper),<br />
at tesis.<br />
Simula sa pasukang ito, ang lahat ng mag-aaral na nasa unang taon sa Unibersidad<br />
ng Pilipinas ay kinakailangan nang kumuha ng tatlong saligang kurso sa Pilipino. Ang mga<br />
kursong ito ay naglalayong paunlarin ang paggamit ng Pilipino bilang wikang panturo sa<br />
Unibersidad alinsunod sa bagong Programa sa Pangkalahatang Edukasyon ng Unibersidad<br />
na ang unang layunin ay: Ang pagbubuo, paglilinang, at papapaunlad sa mga mag-aaral ng<br />
kakayahan sa pagsulat, pagsasalita, at pag-iisip sa Pilipino nang mabisa.<br />
Batay sa malinaw na pagpapakita sa Unibersidad ng Pilipinas sa di-mapigilang<br />
pananagumpay ng Pilipino bilang wikang panturo at batay din sa matatag na paniniwalang<br />
ang Pilipino ay kasiya-siya at kanais-nais na gamitin bilang pangunahing wikang panturo<br />
sa ating mga paaralan (bagama’t ang ilan sa ating mga guro ay maaaring kapos pa rin dito o<br />
kulang ng lakas ng loob upang umpisahang gamitin sa kanilang pagtuturo), iminumungkahi<br />
namin ang madalian at walang pag-aatubiling pagpapatibay ng isang bagong pambansa o<br />
konstitusyonal na patakaran sa edukasyon na may mga probisyong nagsasaad na:
Change language