Create successful ePaper yourself
Turn your PDF publications into a flip-book with our unique Google optimized e-Paper software.
Ernesto Constantino<br />
ANG HINAHARAP NG WIKANG PILIPINO<br />
ANG WIKANG PAMBANSA ng Pilipinas, na tinatawag din ngayong Pilipino, ay<br />
nagmula sa wikang Tagalog. Sa tiyakang pagsasabi, nalinang ito mula sa isang diyalekto<br />
ng Tagalog, ang diyalektong Tagalog-Maynila. Mula sa Maynila, lumaganap ito gaya ng<br />
patuloy nitong paglaganap sa pulo ng Luzon at sa iba pang mga pulo sa Pilipinas. Ito ang<br />
wikang nangibabaw hindi lamang sa Maynila at mga karatig-pook kundi maging sa mga<br />
siyudad na gaya ng Davao, Cotabato, at General Santos. Sa mga pook na hindi ito ang<br />
nangingibabaw o katutubong wika, ginagamit ito bilang lingua franca, sa mga siyudad na<br />
gaya ng Baguio, Naga, at Iloilo. Ang Pilipino sa ngayon, sa pagiging wikang pang-ugnay na<br />
ginagamit sa iba’t ibang rehiyon (interregional language), ang pinakamabisang nag-uugnay<br />
sa mga pulo at sa iba’t ibang pangkat ng wika sa Pilipinas.<br />
Sa kasalukuyan, mahigit na 60 porsiyento ng mamamayan ang nagsasalita ng<br />
Pilipino. Halos dalawang ikatlong bahagi nito ay hindi katutubong nagsasalita ng Pilipino<br />
o ng Tagalog. Maaaring tayahin na sa loob ng sampung taon, mahigit na 80 porsiyento ng<br />
mamamayan ang makapagsasalita ng Pilipino bilang una o pangalawang wika. Gayunman,<br />
ang kakayahan ng marami o ng lahat ng Pilipino sa pagsasalita ng Pilipino ay hindi magiging<br />
dahilan ng pagkamatay o pagkawala ng alinman sa iba pang mga wika sa Pilipinas. Ang<br />
karamihan sa mga nagsasalita ng Pilipino ay patuloy na magsasalita ng kanilang katutubong<br />
wika.<br />
Tulad ng alinmang buhay na wika, ang Pilipino ay patuloy sa pagbabago lalo na<br />
ang bokabularyo nito dahil sa impluwensiya ng Kastila at Ingles at ng iba pang mga wika<br />
sa Pilipinas. Ang mga pagbabagong ito ang lumilikha ng mga pagkakaiba ng Pilipino at<br />
Tagalog at ng mga pagkakatulad ng Pilipino at ng mga wikang di-Tagalog. Kaya, habang<br />
patuloy na lumalaganap ang Pilipino, patuloy itong manghihiram ng mga salita sa mga<br />
wikang di-Tagalog at ito ang magiging sanhi ng pagkakaiba ng Tagalog sa Pilipino.<br />
Ang tagumpay ng Pilipino bilang opisyal na wikang pambansa ng Pilipinas ay<br />
nakasalalay sa dalawang mahalagang bagay. Ang una ay may kinalaman sa pagtanggap<br />
ng mamamayan sa Pilipino bilang wikang pambansa nila; ang ibig sabihin, ang pag-aalis<br />
sa paniniwalang ito ay nananatili pang isang wika ng rehiyon o ito ang wikang Tagalog.<br />
Sumasaklaw naman ang ikalawa sa pagpapatatag ng wikang Pilipino sa pamamagitan ng<br />
pagkakaroon ng istandardisasyon.
Change language