You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
8<br />
Ang Modernisasyon ng <strong>Isang</strong> <strong>Wika</strong><br />
5. Ang anyo ng wikang Pilipino na sasakyang-pahayag ng mga dinadakila at<br />
kinikilálang akdang pampanitikan ng mga pangunahing manunulat ng<br />
bansa at ng mga makikinis na akdang pang-agham ng mga pangunahing<br />
dalub-agham ng bansa.<br />
6. Ang anyo ng wikang Pilipino na maaaring maipíling at maihanay na kapuripuri,<br />
hakot-dangal, at hakot-paghanga sa mga kinikilálang pangunahing<br />
wika ng daigdig.<br />
7. Ang anyo ng wikang Pilipino na bunga ng masinop, masusi, maingat,<br />
mapagyayaman, at maagham na pangangalaga at paglilinang ng mga guro,<br />
ng mga pantaswika, at ng mga makata’t manunulat ng bansa.<br />
8. Ang anyo ng wikang Pilipino na nagpapanatíli sa katangiang pagka-Pilipino,<br />
maging sa panghihiram ng mga salitâ at parirala, pati sa mga paglikha ng<br />
mga kinakailangang talakay.<br />
Impluho ng Aghamwika<br />
Napasok ang aghamwikang gáling sa America dito sa atin upang matuklasan ang mabisàng<br />
pagtuturo ng Ingles bílang “pangalawang wika” ng mga Pilipino. Ang mga aklat sa<br />
aghamwika ay pawang ukol, hinggil, at tumutumbok sa pagtututro ng Ingles. Dahil dito,<br />
inisip ng mga nagmamalasakit sa Pilipino na gamítin din ang mga simulain at tuntunin ng<br />
pagtuturo ng “pangalawang wika” sa pagtuturo ng Pilipino sa mga di- Tagalog.<br />
Malinaw na napapansin na sa mga pagtuturo ng Ingles bílang pangalawang wika<br />
ay kakaunti pa hanggang ngayon ang tunay na nakakaunawang lubos sa mga pasikot-sikot<br />
ng bagong pamamaraang ito. At hindi pa rin maaaring masabing may nakasulat na nang<br />
buong kasiyahan sa bisà ng pagkaturo ng ilang gurong ito.<br />
At wala pa ring nakapagbibigay-ulat na malinaw hinggil sa pagtuturo ng Pilipino<br />
sa mga di-Tagalog sa pamamagitan ng pamamaraan ng pangalawang wika, na siyáng unang<br />
iniisip kapag sinasabing ilalapat ang simulain ng aghamwika sa pagtuturo ng Pilipino.<br />
Ang nagiging mabisàng impluho ng aghamwika sa pagtuturo ng Pilipino, hindi sa<br />
pag-unlad ng wikang Pilipino, ay ang pagbabaling ng paningin ng mga guro at dalubwika<br />
sa maagham na pagtuturo at sa lalong tapat at mahusay na paglalarawan sa kalagayan<br />
ng wikang Pilipino, ayon sa katutubong katangian ng sariling konsistensiya at ayon sa<br />
impluhong semantika mula sa labas. Ang bunga nitó’y hindi mapapansin nang biglaan,<br />
sapagkat ang alinmang wika’y hindi biglaan, o agad-agaran kung umunlad, lumawak, at<br />
malinang. Karaniwang nahahalata ang impluho ng kabihasnan ng isang salinlahi kapag<br />
ito’y malápit nang magwakas at hinuhugpungan na ng mga makabagong pananaw ng<br />
sumusunod na salinlahi na karaniwang sanib-sanib at sagu-sagunson.<br />
Anuman ang sabihin, ang kasalukuyang kalagayan ng isang wika ay duluhan ng<br />
sariling kalagayan na nagsimula ng pagkabuhay na mahabang panahon. Sa ibáng salitâ,<br />
ang lahat ng wika ay may pinagmulan, may pinanggalíngan. Ang katangian ng pinagmulan
Change language