Create successful ePaper yourself
Turn your PDF publications into a flip-book with our unique Google optimized e-Paper software.
6<br />
Ang Modernisasyon ng <strong>Isang</strong> <strong>Wika</strong><br />
ng nakaraan. Ang anumang panukalang repormang hindi kaugnay at karugtong ng dinanas<br />
na nakaraan o hindi kauri sa dugtungan ng nakaraan at ng ngayon ay madalîng maparam.<br />
Ang makabagong anyo ng wikang Tagalog sa sapit ng hinog na panahon ng pagunlad,<br />
na sinusundan ng ating kasalukuyang panahon, ay siyáng anyong makabago ng wikang<br />
Tagalog. Ang kalagayang yaon ay inabutan ng pambansang palatuntunan sa pagbubuo at<br />
pagpapalaganap ng <strong>Wika</strong>ng Pambansa ng Republika. Ang makabagong pananagalog na<br />
nagsimula noong sirka 1940 ay siyá pa ring makabagong pananagalog ngayon, sapagkat<br />
ang karamihan sa mga manunulat sa Tagalog ay bihasa at sanay sa kalagayan ng wikang<br />
Tagalog na wala sa tiyak at tahasang impluho ng balarilang itinuro sa mga paaralan. Iilan sa<br />
mga manunulat na may gulang na sa kasalukuyan ang nagpakaabalang mag-aral ng balarila.<br />
Marami ang nanatíli sa dáting alam sa wika sa pagpapatuloy nilá sa panunulat, na may<br />
kaunting pagbabagong pang-ibabaw lámang.<br />
Dapat isaloob ng mag-aaral ng wika na ang kaalaman ng kung anumang<br />
makabagong pananagalog ay hindi nangangahulugang nagpapawi at lumilimot sa dáting<br />
pananagalog. Manapa’y isiping mabuti ang maláman ang bagong pananagalog upang<br />
makilála at maunawaan ang dati at matandang paraan ng pagpapahayag. Itong hulí ay<br />
bahagi ng kasaysayan ng kultura ng bansa. Tandaang ang pagtanggi sa katotohanan ng<br />
kahapon ay pagwawalang-kasaysayan ng ngayon.<br />
Makabagong Pilipino<br />
Kung tunay na ang kasalukuyan ay siyáng modernisadong anyo ng isang bagay, lalo na ng<br />
isang wika, ang larawan ng makabagong Pilipino ay hindi mapapagkamalan.<br />
Bagama’t nang unang itinuro ang <strong>Wika</strong>ng Pambansang Pilipino noong 1940 ay<br />
hindi pa ito tinawag na Pilipino, kung hindi batay lámang sa Tagalog, ang makabagong<br />
Pilipino ngayong 1968 ay masasabing bunga ng disiplina at kabihasnang inalagaan ng mga<br />
pamamaraan ng pagtuturo ng <strong>Wika</strong>ng Pambansang batay sa Tagalog sa mga paaralan ng<br />
bansa. Ang disiplina ay humantong muna sa pamamagitan ng maraming pagsasanay sa<br />
pagpapahayag at pagsulat sa buong bansa, na saklaw ang lahat ng mga mag-aaral. Tagalog<br />
man o di-Tagalog. Sabihan pa, sa mga unang salpok ng pagtuturo, ang mga mag-aaral at<br />
guro ay nagdanas ng maraming balakid. Ngunit sa pamamagitan ng tiyaga at aral, ang mga<br />
balakid ay unti-unting nahawi, kung hindi man lahat.<br />
Ano ang kaibhan ng makabagong Tagalog at ng makabagong Pilipino? Ang<br />
nasasapit na matayog na pamantayang kasalukuyan ng mga manunulat sa Tagalog na hindi<br />
nag-aaral ni nagsasanay sa impluho ng balarilang 1940 ngunit nagpatuloy sa pag-akda na<br />
ang ginámit ay sentido komun sa pagpapasiyá kung ano ang mabuti at naaayon sa mabuting<br />
pananagalog—iyan ang makabagong Tagalog. Ang makabagong Pilipino, kung batay man<br />
sa Tagalog, ay disiplinado sa anyo, sapagkat pinag-aralan at pinagsanayan ng angaw-angaw<br />
na kabataang dumadami taon-taon mula pa noong 1940.