Create successful ePaper yourself
Turn your PDF publications into a flip-book with our unique Google optimized e-Paper software.
Purificacion G. Delima<br />
ANG GRAMATIKANG FILIPINO<br />
Nakapailalim ang wika sa mithiin ng pagbuo ng isang bansa. Tinuturing ang wika bílang<br />
simbolo ng pagkakakilanlan. <strong>Wika</strong> rin ang mabisàng salik ng pagbubuklod, lalo ng mga<br />
bansang dumaan sa mga puwersang kolonyal at ng mga lipunang multilingguwal, katulad<br />
sa karanasan ng mga bansa sa Silangang Africa, Timog at Timog-silangang Asia, kabílang<br />
na ang Filipinas (Millar, 2005). Sa parehong nabanggit na sitwasyon, mayroong agarang<br />
pangangailangan na makatáong interbensiyon sa pagpaplanong wika (PW). Tunguhin<br />
ng PW ang isang sadya at sistematikong pagtukoy sa patakaran sa wika at sa planong<br />
implementasyon nitó na may pagtanaw panghinaharap (Rubin at Jernudd, 1971 sa Baldauf<br />
sa Hinkel, 2005).<br />
Patakaran sa <strong>Wika</strong><br />
Sa kaso ng Filipinas, ang PW ay nag-umpisa pa sa probisyon ng 1935 Konstitusyon nang<br />
matukoy ang pagbuo ng isang wikang pambansa batay sa isa sa umiiral na mga katutubong<br />
wika. Bunsod nitó pinirmahan ni Pangulong Manuel L. Quezon noong 1937 ang Atas<br />
Tagapagpaganap Blg. 134 na nagproklama ng Tagalog bílang batayang wika ng wikang<br />
pambansa. Pinangalanang “Pilipino” ang unang wikang pambansa noong 1959, subalit<br />
sa 1973 Konstitusyon idineklarang “<strong>Filipino</strong>” ang wikang pambansa at hábang ito ay<br />
pinayayaman at pinalalaganap, ang “Pilipino” ay mananatíli bílang wikang opisyal ng<br />
bansa. Bunsod din ng 1973 Konstitusyon nabuo ang unang determinadong patakaran sa<br />
wika—ang Patakaran sa Edukasyong Bilingguwal (BEP)—sa pamamagitan ng National<br />
Board of Education (NBE) Resolution No. 73-7, s. 1973, ng Department of Education<br />
and Culture (DEC) Order No. 25, s. 1974, at ng Department of Education, Culture,<br />
and Sports (DECS) Order No. 52, s. 1987—mulang 1973–2008. Sa BEP, tinukoy ang<br />
wikang kolonyal na Ingles bílang wikang panturo sa mga disiplinang agham at matematika;<br />
samantalang ang wikang pambansang Pilipino naman ang tinukoy para sa mga disiplinang<br />
sosyohumanidades. Lingid sa lahat, ang BEP ay may mithiin na sa kalaunan ang Pilipino<br />
ang mamamayaning wikang panturo sa lahat ng disiplina sa lahat ng antas sa sistemang<br />
edukasyon ng Filipinas—isang makabayang mithiin na nauwi lámang sa límot dahil sa<br />
pagpapalit ng pamunuan sa pamahalaan.