You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
110<br />
<strong>Isang</strong> Pahambing na Pagsusuri sa mga Ponemang Segmental ng Pilipino at Ibanag<br />
Ilang Rekomendasyon ayon sa Kinalabasan ng Pag-aaral<br />
1. Sapagkat lahat ng palatandaan ay patúngo sa paggámit ng Pilipino bílang<br />
wikang panturo sa mga paaralan, nangangailangan ng puspusang pagtuklas<br />
ng mga kaalaman at pamamaraan túngo sa higit na mabisàng paglinang at<br />
pagpapalaganap ng wikang ito;<br />
2. Ang pahambing na pagsusuri ay isa sa mabubuting paraan upang maging<br />
higit na sistematiko ang pagtuturo ng Pilipino sa mga di-Tagalog. Sa<br />
pamamagitan ng paghahambing sa Pilipino at sa unang wika ng mag-aaral<br />
ay matitiyak ng guro ang magiging suliranin ng mga mag-aaral upang siyá<br />
niyang mabigyan ng diin sa kaniyang pagtuturo.<br />
3. Rebisahin ang mga kurso sa mga dalubhasaan at pamantasan upang magkaroon<br />
ng puwang ang pagpasok ng lingguwistika;<br />
4. Ipagpatuloy ang nasimulang palatuntunan para sa mga iskolar dito at sa<br />
ibáng bansa tungkol sa wika;<br />
5. Maglathala ng mga pinakahulíng kaalaman tungkol sa pagtuturo ng Pilipino<br />
sa liwanag ng mga bagong prinsipyong bunga ng ibá’t ibáng disiplina sa<br />
lingguwistika;<br />
6. Akitin ang mga guro sa malimit na pagdalo sa mga seminar, kumperensiya, at<br />
mga gawaing-kapulungan ukol sa lingguwistika.<br />
Kongklusyon<br />
Ngayon, higit kailanman, natatadhana ang maselan at napakahalagang bahagi o punto ng<br />
kasaysayang pang-edukasyon sa ating bayan sa paggámit ng Pilipino bílang wikang panturo.<br />
Nagbabadya ito ng isang bagong pananaw, isang matibay na paninindigan at marubdob na<br />
paghahangad sa makabagong pagtuturo ng wika.<br />
Naniniwala ang mananaliksik na ito na ang isinagawang pahambing na pagsusuring<br />
ito, bagama’t pahapyaw lámang, ay magiging panimula ng ibá pang pagsusuri na higit<br />
na masusi at maalam upang mapataas ang uri ng pagtuturo at maging daan túngo sa<br />
matagumpay na kaisahan ng wikang pambansa sa isang tahimik at maunlad na bansa at ng<br />
kaniyang mga mamamayang balanse ang pagkatao, matalino, makabuluhan, marangal.<br />
TALA: Nalathala ang artikulong ito ni Fermina G Gatal sa Ang Supling, blg. 1, 1970.