Create successful ePaper yourself
Turn your PDF publications into a flip-book with our unique Google optimized e-Paper software.
Gatal<br />
103<br />
Kaugnay ng kasalukuyang kalakaran sa pagpapatupad ng paggámit ng Pilipino<br />
bílang wikang panturo, makabuluhang bigyan ng kaukulang pansin ang pagkakahawig at<br />
pagkakaibá ng mga wikain at ng wikang pambansa túngo sa kaisahan ng wika. Ang payak na<br />
payak na pag-aaral na ito, ang pahambing na pagsusuri sa Pilipino at Ibanag , ay maaaring<br />
makapagpasigla sa mga palaaral upang gumawa ng ibá pang mga pag-aaral at pananaliksik<br />
sa ibá’t ibáng diyalekto túngo sa pagpapayaman at pagpapaunlad ng pambansang wika at<br />
upang ito’y mabisàng maituro sa mga di-Tagalog.<br />
Sa pag-aaral na ito ay tinangkang paghambingin ng mananaliksik ang mga<br />
ponemang segmental ng Pilipino at Ibanag sa layuning matagpuan ang pagkakatuladtulad<br />
at pagkakaibá-ibá ng mga ito. Ang naging resulta ng pag-aaral ang siyang naging<br />
batayan ng mananaliksik sa pagmumungkahi ng mga kaukulang lunas sa mga suliraning<br />
kinakaharap ng mga mag-aaral sa Lallo, Cagayan, sa kaniláng pag-aaral sa Pilipino.<br />
Makatutulong din ang pag-aaral na ito sa mga guro ng wika upang maunawaan<br />
ang katangian ng Pilipino bílang pangalawang wika. Makabuluhan din ito upang maging<br />
sanggunian sa paghahanda ng mga kagamitang pampagtuturo na napapanahon at angkop<br />
sa purok ng Lallo.<br />
Ang mga suliraning tinalakay ay ang sumusunod:<br />
1. Alin-alin sa mga ponemang segmental ng Pilipino at Ibanag ang<br />
magkakatulad?<br />
2. Alin-alin sa mga ponemang segmental ng Pilipino at Ibanag ang magkakaibá?<br />
3. Ano-ano ang magiging kamalian ng isang mag-aaral na Ibanag sa kaniyang<br />
pag-aaral ng Pilipino?<br />
4. Anong pamaraan ang mabuting gamítin sa pagtuturo ng Pilipino sa mga<br />
mag-aaral na Ibanag?<br />
Ang naging pagpapalagay sa likod ng ganitong uri ng paghahambing ay ito: Kapag<br />
ang mga ponema sa katutubong wika ng mga mag-aaral at ang mga kayarian at pamamahagi<br />
ay katulad ng Pilipino, ito’y hindi magiging suliranin sa pagtuturo ng wika. Sa kabilâng<br />
dako, ang mga ponema na kaibá sa Pilipino ay magdudulot ng suliranin.<br />
Pagbibigay-kahululugan sa mga Datos<br />
Ang Ibanag ay may 25 ponemang segmental. Ang mga ito ay binubuo ng 20<br />
ponemang katinig at 5 ponemang patinig. Ang mga ito ay ang mga susmusunod:<br />
Mga ponemang katining: / p, b, t, k, g, ’, c, f, v, h, s, z, l, m, n, ng, w, r, y/<br />
Mga ponemang patinig: /i, e, a, o, u/
Change language