1` 2` UBORA NA UPANGAJI WA KOROSHO KATIKA MADARAJA ...

1` 2`
UBORA NA UPANGAJI WA KOROSHO
KATIKA MADARAJA
_____________________________________
Utangulizi
Kwa kipindi kirefu ubora wa zao la korosho
umekuwa ukididimia siku hadi siku kwa
sababu mbalimbali. Baadhi ya sababu hizo ni
ndani ya uwezo wa wakulima na zingine
zimesababishwa na wanunuzi chini ya mfumo
wa soko.huria ulioanza msimu 1992/93.
Kipeperushi hiki kinaelezea namna ya kulinda
na kudumisha ubora wa korosho toka
shambani hadi gulioni ili kuinua kipato cha
mkulima.
Ubora wa Korosho.
Ubora wa korosho unaanza shambani. Ili
mkulima apate korosho nying na zilizo bora ni
budi azingatie kanuni za kilimo bora cha
korosho ikiwa ni pamoja na:-
• Kuweka shamba katika hali ya usafi ili
wadudu na magonjwa yasipate nafasi
ya kujificha na kuzaliana.\
Picha ya shamba
• Kupanda mazao ya msimu kama
mtama, mahindi na jamii ya kunde
katika shamba la korosho kama sehemu
ya matumizi bora ya ardhi na
kupunguza gharama za uendeshaji.
• Kutumia njia za asili ama madawa ili
kudhibiti Magonjwa yanayoathiri
ubora na uwingi wa korosho.
3`
• Kuokota korosho zilizoanguka
zenyewe na sio kuzitikisa pamoja na
kutoa kikonyo chake chote.
• Hakikisha kuwa nyama ya bibo
inayobakia kwenye korosho imetolewa
na kifaa kikali kuzuia uharibifu dhidi
ya maonjwa na wadudu.
• Kuanika korosho juani katika sehemu
iliyosafi na kavu kwa muda wa siku
mbili hadi tatu ili kuhakikisha kwamba
zimekauka inavyotakiwa. Korosho
zilizokauka vizuri hutoa mlio wa sauti
kali ukiziangusha chini.
• Sehemu ya kuanikia korosho sharti iwe
safi ili korosho zisipate uchafu.
• Kuzipanga korosho kimadaraja na
kuzihifadhi ndani ya magunia
kimadaraja.
• Kuhifadhi magunia ya korosho juu ya
chaga kwenye chumba kikavu na sio
sakafuni.

• Magunia ya mkonge au jute huruhusu
hewa kupita kwa urahisi wakati wa
kuhifadhi korosho.
• Kagua ghala lako ili kubaini kuwepo
kwa wadudu waharibifu kama mchwa.
KUPANGA MADARAJA YA KOROSHO.
Korosho zipangwe kwenye madaraja mawili.
Kwa kuzingatia sifa zifuatazo:-
Daraja la Kwanza (Standard Grade- SG)
• Korosho za daraja la kwanza zitakuwa
na sifa zifuatazo.
• Zitatoa mlio wa sauti kali ukiziangusha
chini.
• Zina rangi ya kijivu au kikahawia
kilichofifia.
• Hazina makunyanzi.
• Hazina madoadoa kwenye ganda la nje.
• Zina umbile safi.
• Zimekomaa vizuri, unyevu asilimia 12.
Picha ya korosho SG
Daraja la Pili (Under Grade – UG)
• Zimekomaa.
• Zimekauka unyevu asilimia 12, lakini
ganda lake la nje lina madoa doa.
• Zina makunyanzi.
Korosho za daraja la kwanza na la pili zote ni
budi ziwe na sifa za msingi za kukauka vizuri
na ujazo wa kutosha ndani karanga)
Picha ya korosho UG
Korosho zisizotakiwa.
• Hazikukomaa vizuri.
• Hazikauka au mbichi.
• Zimeota.
• Zina makunyazi.
Hazina rangi ya kijivu au kikahawia
kilichofifia.
Picha ya korosho Chafu
UTAFITI NA MAENDELEO
KANDA YA KUSINI
UBORA NA UPANGAJI WA
KOROSHO KATIKA MADARAJA
Imetolewa na
KITUO CHA UTAFITI,
NALIENDELE,
S. L. P. 509,
MTWARA