Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Këta dy tipa janë pagëzuar me emrin istigfar, sepse gafara, prej
nga doli fjala istigfar, do të thotë të mbulosh ose të shtypësh.
Me fjalë të tjera, istigfari do të thotë që Allahu xh.sh. t’i mbajë të
mbuluara mëkatet e atij që rri i kredhur në dashurinë e Tij xh.sh.,
e të mos lejojë që rrënjët e njerëzisë të paraqiten (të mos
shfaqen dobësitë e të metat e tij). Por, përkundrazi, Ai duhet t’i
japë një vend e strehim nën pelerinën e Shenjtërisë së Vet; dhe
nëse për shkak të ndonjë mëkati, lakuriqësohet ndonjë rrënjë e
tij, Ai duhet ta mbulojë prapë dhe ta ruajë atë nga të gjitha
pasojat e këqija të paraqitjes së lakuriqësisë.
Me që Allahu xh.sh. është burim i të gjitha mirësive, dhe me që
drita e Tij gjithnjë është e gatshme t’i zhdukë të gjitha llojet e
errësirës, ndaj, për të fituar jetë të pastër e të dëlirë, e vetmja
rrugë është që duke u frikësuar nga kjo gjendje e tmerrshme, të
shtrijmë duart tona drejt këtij Burimi të Pastërtisë, që ky Burim
të rrjedhë furishëm në drejtimin tonë me aq forcë sa që të marrë
me rrjedhën e vet të gjitha papastërtitë. Për ta kënaqur Zotin,
aty nuk ka ndonjë sakrificë më të madhe se sa kjo që ta
përqafojmë vdekjen për hir të Tij e t’ia dorëzojmë Atij qenien
tonë.”
(“Siraxhudin isai ke çar savalon ka xhevab”,
“Ruhani Khazain”, vol. 12, f. 346-347)
Mandej thotë:
“... Kur dikush kërkon ndihmë prej Zotit – kjo do të thotë të
bëjë istigfar, atëherë me ndihmën e me përkrahjen e Shpirtit të
Shenjtë mund të shmangen dobësitë e njeriut, mund të ruhet
nga mëkatet, siç ruhen të dërguarit e Profetët e Zotit xh.sh. Po
nëse ka njerëz që kanë bërë mëkate e janë bërë mëkatarë,
istigfari do t’i ruajë ata nga pasojat e këqija e nga ndëshkimet e
mëkateve të tyre. Sepse aty, ku shkëlqen drita nuk ka më
errësirë. Por, ata mëkatarë që nuk bëjnë istigfar – nuk kërkojnë
64