Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
angazhohen në kujtimin e Allahut. Pastaj ai tha:- A t’ju tregoj
për njerëzit më sherrxhinj? Njerëzit më sherrxhinj janë ata që
kanë zakon të përgojojnë të tjerët, dhe që krijojnë grindje midis
njerëzve të dashur. Dëshira e tyre gjithnjë është që robërit e
bindur të Allahut xh.sh. të përlyhen në mëkat.
(Musnad Ahmad bin Hambel, vol. 6, f. 459, Bejrut)
Hazret Mesihu i Premtuar a.s. thotë:
“Nuk duhet që të grindeni me ata që ju braktisin për shkak se ju
keni përqafuar atë Xhemat, të cilin Allahu xh.sh. e themeloi
Vetë; përkundrazi ju duhet t’i luteni në vetmi Allahut për ata
që Ai. t’u falë edhe atyre intuitë, mprehtësi e perceptim që Ai
ju ka dhuruar me anë të mëshirës së vet. Duhet që ju me anë të
shembullit tuaj të mirë dhe me anë të sjelljeve të mira, të
vërtetoni se ju e keni gjetur rrugën e drejtë. Dëgjoni! Unë jam
dërguar që t’ju këshilloj gjithnjë që të largoheni prej të gjitha
rasteve, të grindjeve e rrëmujave. Tregoni durim, edhe nëse ju
shan dikush. Kthejani të keqen me të mirë. Nëse dikush grindet
me ju, përvidhuni nga atje ose përgjigjuni me fjalë të buta ...
Nuk më pëlqen kur dëgjoj që dikush, duke qenë anëtar i këtij
Xhemati, është grindur me dikë. Po ashtu, edhe Allahu xh.sh. nuk
dëshiron që ai Xhemat që është themeluar për të krijuar
shembull të mirë për tërë njerëzimin, të zërë një rrugë të tillë që
nuk është rruga e devotshmërisë. Pa dyshim, unë ju tregoj se
Allahu xh.sh. i jep kësaj çështjeje rëndësi aq të madhe sa që nëse
dikush, që deklaron dhe e pranon anëtarësinë e këtij Xhemati,
nuk tregon durim dhe përmbajtje,ai as nuk i përket e as nuk i
takon këtij Xhemati. Shkaku më i madh i ngacmimit tuaj mund
të jetë që njerëzit të më shajnë mua me sharje më banale, por ju
duhet t’ia lini këtë çështje Allahut xh.sh. për gjykim. Ju nuk
mund ta gjykoni këtë. Lëreni çështjen time te Allahu xh.sh.; ju
duhet që të tregoheni të durueshëm e të përmbajtur kur t’i
dëgjoni këto sharje e fyerje.”
(“Malfuzat”, vol. 4, f. 157, Indi, 2003)
40