Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
përqeshje. Ju duhet të ecni në tokë me zemër të pastër, me
karakter të denjë dhe me mendime të ndershme. Dhe duhet të
mbani në mend se çdo sherr nuk shmanget vetëm duke luftuar
kundër tij. Prandaj, rriteni pasionin për të falur dhe për të qenë
zemërgjerë ndaj gabimeve të të tjerëve, dhe silluni me butësi e
të jini të përmbajtur ndaj tyre. Nuk duhet ta sulmoni askënd në
mënyrë të padrejtë, dhe duhet t’i kontrolloni pasionet tuaja.
Nëse merrni pjesë në ndonjë diskutim, ose bëni debat fetar,
atëherë shprehini pikëpamjet tuaja me fjalë të buta e me sjellje
të hijshme. Nëse dikush sillet keq ndaj jush, largohuni
menjëherë me mirësjellje prej atij kuvendi. duke bërë
përshëndetje. Nëse ju përndjekin, ju shajnë ose thonë fjalë të
ndyra për ju, atëherë ju duhet të keni kujdes që të mos i bëni
qëndresë budallallëkut me budallallëk, përndryshe juve do t’iu
fusin në të njëjtën kategori me kundërshtarët tuaj. Allahu xh.sh.
dëshiron që t’ju bëjë një Xhemat të tillë që ju të jini shembull i
bamirësisë e i vërtetësisë për tërë botën. Pra, nxitoni ta hiqni
atë person nga mesi juaj që është shembull i së keqes, i sherrit,
i provokimit dhe i sjelljeve të këqija. Ai që nuk mund të jetojë
në mesin tonë me përulësi, me bamirësi dhe me dëlirësi, dhe që
nuk mund të përdorë një gjuhë të butë e as nuk mund të shfaqë
sjellje të mira, duhet që sa më shpejtë të ndahet prej nesh, sepse
Zoti ynë nuk dëshiron që një person i tillë të jetojë në mesin
tonë. Ai do të vdesë mjerueshëm, sepse ai nuk e ka përshtatur
rrugën e bamirësisë. Prandaj, bëhuni të kujdesshëm, dhe
sinqerisht bëhuni zemërmirë, fisnikë dhe të vërtetë! Ju do të
njiheni kështu me anë të namazeve tuaja të përditshme dhe me
anë të cilësive tuaja të larta morale. Ai që në natyrën e vet
mban farën e keqbërësisë, nuk do të mund t’i përshtatet kësaj
këshille.”
(Ishtihar, më 29 maj 1898, Tablighe Risalat, vol. 7, f. 42-44)
37