Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Por, grupe opozitare u përçanë në mes tyre. Pra, mizorët do të
kenë ndëshkimin e një dite të tmerrshme.
(Ez-Zukhruf, 43:66)
Hazret Xhabiri r.a rrëfen se Profeti i shenjtë s.a.v.s. tha:- Ruajuni
prej mizorisë, sepse mizoria do të paraqitet në Ditën e Kiametit
duke u shndërruar në errësirë. Ruajuni prej lakmisë, koprracisë
dhe prej smirës e zilisë, sepse lakmia, koprracia dhe zilia janë
ato vese që i shkatërruan kombet e mëparshme, i nxitën për
gjakderdhje dhe që të përdhosnin gjërat e shenjta.
(Musnad Ahmad bin Hanbal, vol. 3, f. 323)
Po ashtu, t’ia heqësh të drejtën dikujt është mizori. Hazret
Abdullah bin Masudi r.a. rrëfen duke thënë se unë e pyeta
Profetin e Allahut:- O Profet i Allahut! Cila është mizoria më e
madhe? Profeti i Allahut m’u përgjigj:- Mizoria më e madhe
është që një vëlla ia rrëmben vëllait të vet një pëllëmbë tokë.
Në Ditën e Kiametit, një guralec nga toka e rrëmbyer do të
shndërrohet në një qafore që do t’i varet në qafë; dhe askush
nuk e di thellësinë e tokës përveç Allahut xh.sh. e ka krijuar atë.
(Musnad Ahmad bin Hanbal, vol. 1, f. 396, botuar në Bejrut)
Disa njerëz nuk i plotësojnë detyrat ndaj motrave, vëllezërve
dhe fqinjëve, ose në mënyrë të paligjshme i rrëmbejnë pasuritë
e të tjerëve dhe e pushtojnë tokën e tyre. Pra, ju duhet të
mendoni për këtë. Duke qenë ahmadi, kur kemi bërë Bejt, duke
e pranuar këtë kusht që ne nuk do t’ia heqim askujt të drejtën e
as nuk do të bëjmë mizori, ne duhet t’i frikësohemi shumë
34