Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Dhe mos iu afroni kurvërisë, se me të vërtetë kjo është një punë
e fëlliqur dhe një rrugë e shëmtuar.
(Beni Israil (El-Isra), 17:33)
Në një hadith, Muhammed bin Sirin rrëfen se Profeti i shenjtë
s.a.v.s. këshilloi sa vijon. Mandej, ai rrëfeu një hadith të gjatë, ku
përmendet kjo këshillë se dëlirësia dhe e vërteta janë më të
mira dhe më të qëndrueshme në krahasim me kurvërinë dhe
gënjeshtrën.
(Sunan Dare Kutni, Kitabul vasaja, babu majastahabbu bil vasijate minettashahudi
val kelam)
Këtu kurvëria dhe gënjeshtra janë përmendur bashkë. Kjo
dëshmon dhe vërteton se sa mëkat i madh është të thuash
gënjeshtra.
Hazret Mesihu i Premtuar a.s. thotë:
“Mos iu afroni kurvërisë. Kjo do të thotë të largohemi nga të
gjitha ato raste që na ngacmojnë e na nxisin për këtë punë, dhe
të mos ecim rrugëve që na nxisin për këtë vepër të shëmtuar,
dhe që na çojnë deri tek kryerja e këtij mëkati. Ai që bën
kurvërinë, bën mëkatin më të madh. Rruga e kurvërisë është
një rrugë shumë e keqe, që pengon zhvillimin e njeriut, dhe e
largon nga caku i qëllimeve të tij, dhe rrezikon arritjen e
qëllimeve të jetës. Ata që nuk gjejnë ndonjë zgjidhje për
martesë, mund ta ruajnë virgjërinë dhe dëlirësinë e tyre, duke
agjëruar, duke mbajtur dietë ose duke i përdorur fuqitë e
aftësitë e veta për punë të rënda.”
(“Islami usul ki filosfi”, “Ruhani Khazain” vol. 10, f. 342)
Mesihu i Premtuar a.s. na këshillon që të rrimë larg atyre
gjërave që mund të na çojnë drejt kurvërisë. Nganjëherë të
rinjtë tregohen të pakujdesshëm ndaj këtij fakti dhe e
26