Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
KUSHTI II
“Ai (bejtbërësi) do të rrijë larg gënjeshtrave, kurvërisë, të
hedhurit shikimin mbi gratë e huaja, përveç atyre të farefisit të
afër; do të rrijë larg egërsisë, çoroditjes, pandershmërisë,
mosbindjeve dhe tradhtisë; ai nuk do të mposhtet nga sulmet e
epsheve, sado të fuqishme që të jenë ato.”
Në këtë kusht, janë përmendur nëntë vese të këqija, dhe çdo
njeri që e përqafon këtë Xhemat të Mesihut të Premtuar a.s. dhe
veten e deklaron si anëtar të këtij Xhemati, duhet ta ruajë veten
prej këtyre veseve.
Gënjeshtra – rrënjë e të gjitha veseve
Vërtet, vesi më i lig është gënjeshtra. Një herë një person e luti
Profetin e shenjtë
18
s.a.v.s. që ai ta këshillonte atë, sepse ai vuante
nga shumë vese dhe e dinte mirë se nuk mund t’i linte
përnjëherësh të gjitha ato. Profeti s.a.v.s. iu drejtua atij dhe i tha:-
Betohu se gjithnjë do të thuash të vërtetën e kurrë nuk do të
thuash gënjeshtra. Duke e zbatuar këtë këshillë, ai u lirua nga
të gjitha veset, dhe të gjitha ato u zhduken një për një.
Kurdoherë që ai mendonte të bënte ndonjë mëkat, i binte në
mend, nëse do të kapet, do të paraqitej para Profetit të shenjtë
s.a.v.s.
, që i kishte bërë premtim se nuk do të gënjente. Nëse do të
thoshte të vërtetën (për mëkatin e bërë), ai ose mund të dënohej
ose do të turpërohej. Dalëngadalë, ai u lirua nga të gjitha
mëkatet e veta. Pa dyshim, gënjeshtra është rrënja e të gjitha të
këqijave.
(Tefsir Mefatihul Gaib (Et-Tefsirul Kebir) Tefsir sure et-Teuba, ajeti 119,
vol. 8, pj. XVI, f. 176, Darul Kutub El-Ilmija, Bejrut, 2004)