Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
invalidë; atëherë të gjitha shpresat e atyre personave bien
poshtë dhe zhduken.
Hazret Mesihu i Premtuar a.s. thotë:
Teuhidi (Njësia e Zotit) nuk do të thotë vetëm që të deklarosh
verbalisht:- La ilaha illallah 1
, kurse në zemër ke të fshehur
mijëra e mijëra idhuj. Çdokush që planeve, dredhive ose
intrigave të veta u jep epërsi e nderim, dhe i adhuron siç
adhurohet Zoti; apo mbështet te ndonjë person tjetër, ashtu siç
njeriu duhet të mbështet te Zoti; ose e mbiçmon egon e vet, siç
ai duhej ta mbiçmonte Zotin, në të gjitha këto raste ai është
idhujtar në sy të Zotit. Idhujt nuk janë thjeshtë ata që
prodhohen nga ari, argjendi, bakri ose nga gurët, dhe që
adhurohen dhe tek të cilët mbështetet, por çdo gjë, ose fjalë,
ose çdo vepër së cilës i jepet ai nder që i jepet Zotit dhe që
është vetëm e drejta e Zotit; është idhull në sy të Zotit. ...
Mbani mend se Teuhidi i vërtetë (Njësia e Zotit) për të cilin
Allahu xh.sh. kërkon prej nesh ta deklarojmë, dhe prej të cilit
varet shpëtimi ynë, është që të besojmë se Allahu është Një dhe
është pa partner, qoftë një idhull ose një njeri, ose dielli apo
hëna, ose egoja e tij, ose dredhia apo intriga e tij. Po ashtu,
duhet të besojmë se Allahu xh.sh. është larg prej të gjithë këtyre
idhujve, dhe se Ai është i pashoq, dhe askush nuk e zotëron
fuqinë e plotë, përveç Allahut xh.sh. Ne nuk duhet të besojmë se
aty ka ndonjë Ushqyes a Rritës, përveç Allahut xh.sh., dhe se aty
askush nuk mund të nderojë ose të poshtërojë dikë, as nuk ka
njeri që mund të ndihmojë ose të japë shpresë, përveç Allahut
xh.sh. Po ashtu, duhet që të kemi dashuri të posaçme për Allahun
xh.sh., të adhurojmë vetëm Atë, e duhet që përulësinë dhe
shpresat tona dhe frikën tonë t’ia kushtojmë vetëm Atij. Pra,
asnjë Teuhid nuk mund të plotësohet pa këto tri veçori.
1
D.m.th. S’ka Zot tjetër që të adhurohet përveç Allahut.
16