Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
objektivat e Bejtit, ai shkruan:
“Ky sistem i Bejtit është vendosur vetëm që të mbledhë së bashku
një grup të devotshëm njerëzish në një Xhemat, kështu që një grup
njerëzish të devotshëm me peshë, të mund të bëjnë një ndryshim
të shenjtë dhe bekimdhënës në botë. Po ashtu, duhet që bashkimi
dhe uniteti i këtyre të devotshmëve të jetë burim i bekimeve, i
madhërisë dhe i rezultateve pozitive për fenë Islame. Ndër
bekimet e bashkimit të tyre do të jetë se ata do të mund të dalin të
aftë për t’i kryer shërbimet fisnike dhe të devotshme për hir të
Islamit, ata nuk duhet të dalin përtacë, koprracë, dhe myslimanë të
padobishëm; as nuk duhet të dalin si ata të papërfillshmit që i
sollën dëme të mëdha fesë islame për shkak të përçarjes dhe të
grindjeve të tyre; as nuk duhet të bëhen si ata që e njollosën faqen
e bukur e të pastër të Islamit me anë të veprave të tyre të
shëmtuara; as nuk duhet të bëhen si ata dervishë të pakujdesshëm
e njerëz të mbyllur që nuk treguan kujdes e interes ndaj nevojave
të Islamit, dhe që nuk shfaqën ndonjë dashamirësi ndaj vëllezërve
të tyre, por as nuk shfaqën ndonjë entuziazëm për të bërë punë a
vepra të mira për njerëzimin. Por, unë dëshiroj që këta (anëtarë të
Xhematit Ahmadia) të bëhen aq dashamirë e entuziastë për hir të
popullit, sa që duhet të bëhen strehim për të varfrit dhe prindër për
jetimët; dhe të jenë të gatshëm ta sakrifikojnë me dashuri të plotë
jetën e tyre për hir të shërbimeve të Islamit. Ata duhet të dalin aq
të devotshëm sa që ndikimet e tyre të mira dhe frymëzimet e tyre
shpirtërore të shpërndahen në të gjitha anët e botës. Kështu që një
burim i pastër i dashurisë së Zotit dhe i dashamirësisë ndaj
njerëzimit të burojë e të gufojë nga çdo zemër, dhe që, duke u
mbledhur në një vend, të shndërrohet në një lumë të rrjedhshëm
... Allahu xh.sh. dëshiron që ta manifestojë Madhërinë e Tij dhe ta
paraqesë Plotfuqishmërinë e Tij nëpërmjet këtij grupi, dhe
gjithashtu dëshiron t’i falë sukses dhe përparim të mëtejshëm, me
qëllim që ta mbushë botën me dashurinë e Zotit, me pendimin e
8