Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Shembuj të pashoq të devotshmërisë,
besnikërisë e të shërbimit njerëzor
Në Xhematin tonë, i jepet një rëndësi e një theks i veçantë
shërbimit shoqëror e shërbimit njerëzor. Çdo i pasur ose i
varfër, sipas mundësive të tij, kërkon ndonjë rast që të bëjë disa
shërbime humanitare vetëm e vetëm për hir të Allahut xh.sh . e
për të fituar kënaqësinë e Tij.
Përse një ahmadi është aq i zellshëm të kryejë shërbime
humanitare? Për arsye se ne e kishim harruar mësimin e bukur
të Islamit se nëse ne dëshirojmë pëlqimin e kënaqësinë e
Allahut xh.sh ., atëherë ne duhet të sillemi mirë ndaj të gjithë
njerëzve e t’ua plotësojmë nevojat e tyre. Sepse kjo do të jetë
një mjet kryesor që do t’ju sjellë më afër Allahut xh.sh . Për këtë
arsye, Hazret Mesihu i Premtuar a.s. këtë mësim të bukur e bëri
një kusht themelor në Dhjetë Kushtet e Bejtit. Pasi të krijoni
lidhshmëri me të, ju duhet t’i shfrytëzoni aftësitë e mjetet tuaja
jo vetëm për të shprehur simpatinë tuaj por duhet t’i ndihmoni
ata. Pra, nëse paraqitet nevoja për t’u dhënë ndihmë viktimave
të tërmetit e të vërshimeve, besimtari ahmadi ngrihet i pari për
ta dhënë këtë ndihmë. Ka pasur disa raste kur të rinjtë ahmadi e
flijuan jetën e tyre në dallgët e egra, duke i shpëtuar ata që po
mbyteshin në ujë.
Kur Kalifi i kohës shpalli se ka nevojë për një sasi të hollash e
ndihmash që të ndërtojë shkolla e spitale në Afrikë, me qëllim
që të edukohen e të arsimohen fëmijë të varfër, dhe që t’u jepet
ndihma mjekësore njerëzve të vuajtur, Xhemati e pranoi
kërkesën e tij e i dhuroi Kalifit më shumë të holla sesa kërkonte
ai. Mandej, kur Kalifi deklaroi se parat e duhura janë
mbledhur, e tani kemi nevojë për ata persona që mund të
243