Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
“Ky martir [Sahibzada Abdul Latifi] e paraqiti një shembull
për Xhematin tim, duke e flijuar jetën e vet. Me të vërtetë,
Xhemati im ka pasur nevojë për një model të tillë të madh. Aty
në Xhematin tim ka akoma të atillë, që kur bëjnë ndonjë
shërbim të vogël, mendojnë se kanë kryer ndonjë detyrë shumë
të madhe, dhe mendojnë se kanë bërë veprim mirënjohje të
madhe ndaj meje. Ndërsa, në realitet, kjo është mirënjohja e
Allahut xh.sh . që Ai e bëri ndaj tij, duke u dhënë rast e mundësi
të kryenin ndonjë shërbim. Ka disa të atillë që janë pa ndonjë
zell e sinqeritet, megjithëse deklarojnë se kanë një besnikëri e
besim të sinqertë, mirëpo ata akoma janë të paaftë ta mbajnë të
gjallë këtë deri në fund. Ata e humbasin fenë e besimin e tyre
për shkak të lakmisë ndaj botës materiale, dhe nuk mund ta
përballojnë qoftë edhe ndonjë sprovë të vogël. Duke hyrë në
Xhematin e Allahut xh.sh ., dashuria e tyre që e ushqejnë ndaj
botës materiale nuk zhduket e as nuk zvogëlohet. Mirëpo, në
anën tjetër, e falënderoj mijëra e mijëra herë Allahun xh.sh . se
aty ka shumë të atillë që besojnë dhe që e adoptuan këtë rrugë
me tërë sinqeritetin e zemrës. Ata janë të gatshëm të
përballojnë çdo turbullirë në këtë rrugë. Mirëpo, fuqitë e
paraqitjes së atij modeli që e paraqiti ky njeri kreshnik e trim
janë të fshehura në Xhematin tim. Allahu xh.sh . krijoftë besim e
qëndrueshmëri të tillë në zemrat e të gjithë anëtarëve të
Xhematit, modelin e të cilëve e vuri para nesh ky martir! Kjo
jetë e kësaj bote, e përzier me sulmet e Shejtanit, e pengon
njeriun të bëhet i përsosur në besimin e tij. Shumë do ta
përqafojnë këtë Xhemat, por medet do të jenë pak ata që do ta
arrijnë këtë model!
(“Tadhkiratush Shahadatain”, f. 55-56,
“Ruhani Khazain”, vol. 20. f. 57-58)
Në një vend tjetër, ai shkruan:
“Martirizimi që ishte i shkruar në fatin e Sahibzada Abdul Latif
Sahibit u realizua. Tani, të shohim se kur realizohet e shfaqet
dënimi i tiranit!
239