Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Hazret Mesihu i Premtuar a.s. shkruan:
“Fjala Bejt në realitet do të thotë ta shesësh veten; bekimet dhe
ndikimet e tij varen vetëm nga ky kusht. Sikundër një farë që
mbillet në tokë, e mban gjendjen e tij fillestare se është mbjellë
nga dora e bujkut, dhe askush nuk di se ç’do të ndodhë me të.
Mirëpo, nëse ajo farë i përket një cilësie të lartë dhe zotëron
fuqinë për t’u zhvilluar, atëherë me mëshirën e Zotit të
Plotfuqishëm, dhe si rezultat i përpjekjeve të bujkut, ajo lulëzon
dhe një kokërr shndërrohet në njëmijë kokrra. Në të njëjtën
mënyrë, njeriu që bën Bejt duhet së pari të shfaqë modesti dhe
përulësi, dhe bejtbërësi duhet të largohet nga egoizmi e nga uni i
vet. Atëherë ai person bëhet i përshtatshëm për zhvillimin dhe
rritjen e tij. Por, ai që nuk vishet nga këto dukuri, pasi ka bërë një
herë Bejtin, nuk do të ketë dobi e bekim.”
(“Malfuzat”, vol. 6, f. 173, Angli, 1984)
Bejt do të thotë:
t’ia dorëzosh jetën tënde Allahut xh.sh.
Hazret Mesihu i Premtuar a.s. thotë:
“Bejt do të thotë t’ia dorëzosh jetën tënde Allahut xh.sh. Kjo do të
thotë se sot ne e kemi shitur jetën tonë në dorën e Allahut xh.sh.
Është gabim të thuash se duke jetuar në rrugën e Allahut xh.sh. do të
jesh në humbje. Njeriu i vërtetë kurrë nuk mund të pësojë dëm.
Vetëm ai që është gënjeshtar pëson dëm. Ai, që për hir të botës e
prish Bejtin dhe zotimin e vet të bërë ndaj Allahut xh.sh., dhe që
vetëm nga frika e botës vepron kështu. Ai duhet ta dijë se në
kohën e vdekjes, asnjë sundimtar e asnjë mbret nuk do ta shpëtojë
atë. Ai patjetër do të paraqitet para asaj Qenieje që është Gjykatësi
i të gjithë gjykatësve, i cili do ta pyesë atë: Përse nuk më
respektove Mua? Pra, kjo është thelbësore për të gjithë besimtarët
2