Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
(“Izalae Auham”, f. 777, “Ruhani Khazain”, vol. 3, f. 520)
Për Molvi Abdul Karimin ai në një vend shkruan:
“Ai tërë jetën e kaloi në pafajësi dhe nuk shijoi ëmbëlsinë e
kësaj bote. Ai e la punën e tij sepse sipas tij aty nënçmohej
feja. Para pak kohe, atij iu ofrua një vend pune me një pagesë
shumë të majme (200 rupi të asaj kohe), mirëpo ai e hodhi
poshtë edhe këtë ofertë. Jetën e kaloi me një thjeshtësi të
papërshkrueshme, duke lexuar libra arabisht e duke mbrojtur
Islamin nga sulmet e brendshme e të jashtme. Me gjithë
shëndetin e vet të ligshtë e me sëmundje të ndryshme, ai
vazhdoi të shkruante.”
(“Sirat (Jetëshkrimi) Hazret Molvi Abdul Karim Sialkoti”
nga Mahmud Muxhib Asgar, f. 108)
Hazret Navab Muhammed Ali Khani, Prijësi i Maler Kotit, i
dërgoi një letër vëllait të tij ku shkruante:
“Unë deklaroj qartë se arsyeja, për të cilën kam vendosur të
banoj në Kadian, është se gjatë këtyre 12 vjetëve që kur kam
bërë Bejt në dorën e Mesihut të Premtuar a.s., fatkeqësisht 11
vjet i kam kaluar në shtëpi dhe kam qëndruar larg Kadianit.
Unë vija këtu (në Kadian) vetëm për disa ditë e mandej
kthehesha prapë aty, duke e kaluar kot jetën time e duke u
ngatërruar në çështjet e botës materiale. Në fund, kur u
mendova pak, mësova se jeta ime kishte fluturuar e unë nuk
kisha fituar asgjë, as nga feja e as nga bota materiale. Erdha
këtu (në Kadian) me qëllim që të qëndroj gjashtë muaj; por kur
mendova për gjendjen time, zemra ime më urdhëroi se bota
materiale mund të fitohet duke ecur gjurmëve të fesë. Por kur
njeriu ecën pas botës materiale, ai jo vetëm që nuk e arrin dot,
por, në anën tjetër, shkatërrohet dhe feja. Unë u mendova thellë
dhe u binda se gjatë këtyre 11 viteve nuk pata mundësi të
234