Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
(Përmbledhur nga “Tarikhe Ahmadiat”, vol. 5, f. 336, botuar në 1964)
Këto ngjarje nuk janë vetëm tregime të së kaluarës; por siç
thashë edhe më parë ngjarje të tilla të sakrificave ne i shohim
edhe sot. Kur fëmijët Vakefin Nau (ata fëmijë që jetën e tyre ia
kanë dedikuar fesë) vijnë tek unë, dhe kur unë i pyes ata se
ç’do të bëhen kur do të rriten, përgjigja e tyre është se do të
bëhen siç do të vendos unë për ta, dhe thonë:- Xhemati le të na
tregojë vetë se ç’do të bëhemi. Ky është pasioni dhe zelli i
fëmijëve të Xhematit Ahmadia. Derisa do të jetë ky pasion i
tyre (inshallah do të ekzistojë deri në Ditën e Kiametit), askush
s’mund t’i sjellë dëmin më të vogël Xhematit.
Hazret Mesihu i Premtuar a.s. thotë:
“Tani, ka një numër shumë të madh në Xhematin tim që i kanë
dhënë epërsi fesë në krahasim me çështjet e tjera të kësaj bote,
dhe janë bërë dervishë (eremit, oshënar). Ata kanë braktisur
vendlindjen, farefisin dhe shokët e tyre të ngushtë, dhe janë
vendosur përgjithmonë pranë meje.”
(“Es-habe Ahmad”, vol. 5, pj. III, f. 130, botuar në 1964)
Lidhur me Hakim Molvi Nur-ud Dinin nga Bhera, Hazret
Mesihu i Premtuar a.s. thotë:
“Unë nuk mund të paraqes ndonjë shembull tjetër të ndihmës
kolosale financiare që më ofroi mua Molvi Hakim Nur-ud-
Dini. Unë kam zbuluar se ai është një person që është i kredhur
me tërë sinqeritetin e zemrës, me prirjen natyrore e me
devotshmëri të plotë për shërbim të fesë së vërtetë. Meqë në
jetën e tij të përditshme është i përkushtuar në këtë rrugë, ai jo
vetëm që në të gjitha aspektet është shërbyesi i devotshëm i
Islamit e i myslimanëve, por vërtetoi se është ndihmëtar i parë
në mesin e anëtarëve të Xhematit.”
233