Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Në një testament që lë Dr. Abdus Sattari për fëmijët e vet, ai
shkruan:
“Bëjeni Kuranin modus operandi (mënyrë veprimi) për vete;
me bindje të plotë praktikojeni synetin; rrini të angazhuar për
përhapjen e Islamit e për përparimin e Ahmadiatit, dhe i
përgatisni brezat tuaja pasardhës që edhe ata t’i zbatojnë këto
porosi.”
(“Hazret Dr. Abdus Sattar Sahib”, f. 193, botimi I,
nga Mexhlis Khudamul Ahmadija, Pakistan)
Çdo anëtar i Xhematit gjithmonë duhet ta mbajë në mend këtë
këshillë.
Autori i librit “Es-habe Ahmad” për Hazret Molana Bakshin
shkruan:
“Ai kishte një pasion të veçantë për Kuranin e Shenjtë. Me
gjithë sëmundjen e dobësinë e shëndetit të vet, ai ishte i
vendosur që të dëgjonte vërtetësitë e urtësitë e Kuranit të
Shenjtë. Për shumë kohë, disa muaj me radhë gjatë dimrit, ai e
la xhaminë e lagjes së vet, shkonte larg, në xhaminë e lagjes
Darur Rahmat për namazin e Sabahut, vetëm se në atë xhami
Molana Gulam Rasul Raxheki Sahib mbante dersul Kuran
(ligjërata për Kuranin e Shenjtë), dhe ky dëshironte ta dëgjonte
atë e të kënaqej, duke dëgjuar komentimet e urtësitë e Kuranit
të Shenjtë. Përveç kësaj, ai në muajin e Ramazanit shkonte në
xhaminë Aksa, ku mbahej rregullisht dersul Kuran.... Ai e
lexonte Kuranin me shumë vëmendje dhe ku gjente diçka të
dobishme ua tregonte dhe të tjerëve. Në vitet e fundit të jetës,
ai lexonte Kuran disa herë në ditë. Ai mbante me vete një
fletore e një laps. Kur gjente ndonjë komentim të mirë të
ndonjë ajeti, e shënonte dhe më vonë ua shpjegonte anëtarëve
të familjes.” “Kur ai ua lexonte ato anëtarëve të familjes,
224