Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Një ngjarje të ndodhur këtu, në Angli, po e përmend tani. Është
fjala për Bashir Arçardin (një anglez që e përqafoi fenë Islame
dhe u bë anëtar i Xhematit Ahmadia, pas një studimi të gjerë e
të thellë) që pësoi ndryshme të mëdha në qenien e vet, pasi e
përqafoi Xhematin Ahmadia. Pas të gjitha këtyre ndryshimeve,
ai ia përkushtoi jetën e tij fesë. Ai u anëtarësua në Xhemat në
vitin 1944 dhe pastaj mori disa mësime fetare në Kadian, Indi,
dhe siç ju thashë, ia dedikoi jetën e tij fesë. Në atë kohë, në
formimin e tij ndodhi një ndryshim i madh . Ai fitoi një
dashuri, pasion e zell për adhurim e për lutje. Fryti i parë i
vizitës së tij në Kadian ishte që i tha lamtumirë përdorimit të
alkoolit. Më parë ai pinte shumë, por ai e kuptoi gabimin dhe u
pendua e i tha lamtumirë përgjithmonë përdorimit të alkoolit e
luajtjes së bixhozit.
(Përmbledhur nga Gazeta “Al-Fazl”, 10 janar 1978, f. 3,
marrë nga “Azim Zindagi” f. 7-8)
Ndalimi i alkoolit
Disa vjet më parë, disa anëtarë të Xhematit në Angli, Gjermani
e në shtete të tjera, merreshin me tregti, ose punonin në
restorante e hotele ku shërbeheshin pije alkoolike. Sipas një
hadithi, ata që prodhojnë pije alkoolike, që e shërbejnë, e
shesin dhe që e rezervojnë atë, të gjithë këta do të jenë banorë
të xhehenemit. Për këtë arsye, Hazret Khalifatul Masih IV
shpalli se ata anëtarë që merren me biznese të tilla menjëherë
duhet t’i lënë, përndryshe kundër tyre do të merren masa të
rrepta. Ai vetë tregonte se me mëshirën e Allahut xh.sh . shumë
anëtarë aty për aty e lanë këtë biznes. Disa prej tyre filluan të
merreshin me biznese më të mira se ky, ndërsa disa mbetën në
sprovë për një kohë të gjatë pasi nuk e gjetën ndonjë biznes të
mirë e të përshtatshme. Mirëpo, ata, me gjithë këtë sprovë,
dolën të qëndrueshëm në vendimin e tyre dhe kurrë më nuk u
morën me një biznes të ndyrë.
222