Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
prandaj së pari e theva nargjilenë time, që të jem në gjendje t’i
këshilloj të tjerët. Sa ishte gjallë ai, nuk e përdori më
nargjilenë, dhe vazhdoi t’u thoshte të tjerëve që të mos e
përdorin atë.
(Marrë nga “Sawaneh-Fadl-e-Umar”, vol. 2, f. 34)
Këto ditë, përdorimi i nargjilesë ka marrë një formë tjetër. Atë
të përdorimit të duhanit. Pra, ata që pinë duhan, duhet të
largohen prej kësaj dukurie mjaft të dëmshme. Pirja e duhanit
në moshën rinore e çon njeriun drejt përdorimit të formave të
ndryshme të duhanit ku përdoren edhe narkotikë. Ky është një
hap në drejtim të shkatërrimit të jetës. Ky është kurthi i
kurdisur nga Dexhali. Mjerisht e fatkeqësisht, edhe shtete
islamike janë të përziera në këtë. Pra, i këshilloj të rinjtë tanë
që të përpiqen t’i japin fund pirjes së duhanit.
Lotaria nuk është e lejuar
Hazret Munshi Berket Ali Khani, një sahabi (shok) i Mesihut
të Premtuar a.s., ishte punësuar në Shimla. Para se të bëhej
anëtar i Xhematit Ahmadia, ai kishte blerë një lotari që më
vonë me të fitoi 7500 rupi. Kur e pyeti Hazret Mesihun e
Premtuar a.s. për këtë fitim, Ai iu përgjigj:- Ky është bixhoz
dhe këto para nuk duhen përdorur për nevojat e tua. Munshi
Sahebi ato para ua dha të varfërve e nevojtarëve.
(I përmbledhur nga “Es-habe Ahmad”, vol. 3, f. 33, botuar në 1957)
Këto ditë në Evropë e në Perëndim është bërë modë të luash
lotari. Ata që blejnë lotari e mandej fitojnë duhet ta dinë se
fitimi nuk është i lejuar për ta, ndaj është haram. Po ashtu,
fitimi në bixhoz është haram. Së pari, nuk duhet që të blihet
lotaria, por nëse fiton, ky fitim nuk është i lejueshëm për vete.
221