Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
“Një ditë Hazret Shah Sahibi shkoi në një xhami të afërt për të
kryer faljen e namazit. Në të njëjtën kohë, një armik i ashpër i
Xhematit Ahmadia, Çodri Rahim Baksh, që kishte një brokë në
dorë për të marrë abdes, duke e parë Hazret Shah Sahibin (që
ishte mjek në një spital të shtetit), filloi të bëjë një debat fetar
me të. Me provat e dhëna nga Shah Sahibi, Rahim Bakshi u
zemërua aq shumë sa që e qëlloi Shah Sahibin me brokë në
ballë. Goditja ishte aq e fortë saqë broka u thye dhe u bë copëcopë.
Nga goditja, iu thye ashti i ballit e filloi t’i rridhte gjak
me furi. Rrobat e tij u bënë gjithë gjak. Ai pasi e vuri dorën
mbi plagën menjëherë shkoi drejt spitalit për mjekim. Çodri
Rahim Bakshi u shqetësua e u frikësua për këtë veprim që bëri.
Duke e ditur faktin se dr. Shah Sahibi është mjek shtetëror, ai u
frikësua se oficerët do ta dëgjojnë ankesën e tij e do ta
përkrahin Shah Sahibin, ndërsa atë do ta dënojnë ashpër. Ai
nuk dinte ç’të bënte e ku të fshihej! Me këto ndjenja të frikës ai
u struk në një qoshe të xhamisë. Ndërsa, dr. Shah Sahibi pasi
mori mjekim të nevojshëm, dhe i ndërroi rrobat e veta erdhi në
xhami për namaz. Kur ai hyri në xhami, dhe pa Rahim Bakshin
aty, iu drejtua atij me buzëqeshje dhe i tha:- O Rahim Baksh, a
je qetësuar apo jo? Duke dëgjuar këto fjalë, Rahim Bakshi u
pendua dhe u prek mjaft. Ai duke i fërkuar duart, i kërkoi falje
e ndjesë dhe i tha:- Shah Sahib, të lutem shkruani letër për
Bejtin tim. Pa dyshim, shembulli i shkëlqyer i këtij durimi,
butësie dhe faljeje nuk mund të shfaqet prej askujt, përveç
anëtarëve të një Xhemati Hyjnor. Pra, Çodri Rahim Bakshi e
përqafoi Xhematin dhe u bë ahmadi. Po ashtu, pas disa ditësh,
të gjithë anëtarët e familjes së tij e përqafuan këtë Xhemat.”
(“Hazret Dr. Abdus Sattar Shah Sahib”, f. 63, e përmbledhur nga
Ahmad Tahir Mirza,botuar nga Maxhlis Khuddamul Ahmadia, Pakistan)
Këta janë disa shembuj që i paraqita para jush, e që kanë të
bëjnë me tre apo katër kushtet e para të Bejtit. Unë do të
mundohem, inshallah, që të paraqes disa shembuj të tjerë që do
210