Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Mposhtja e impulseve të pasionit
Mandej, lidhur me kushtin që të mposhtësh pasionet, mund të
përmenden disa shembuj. Në një mbledhje me hindu shpërtheu
një grindje. Anëtarët e Xhematit Ahmadia treguan disiplinë dhe
vetëpërmbajtje. Duke e çmuar këtë sjellje dhe duke e vlerësua
këtë cilësi të anëtarëve të Xhematit të vet, Hazret Mesihu i
Premtuar a.s. shkruan:
“Nëse myslimanët me ndërgjegje të pastër nuk do të kishin
parasysh vlerat e larta të moralit, sipas mësimeve të Islamit,
dhe nëse nuk do të tregonin durimin e duhur dhe nuk do ta
mposhtnin e nuk do ta frenonin zemërimin e tyre, në atë
mbledhje do të derdhej shumë gjak, sepse pjesëmarrësit kishin
ardhur për qëllime të mbrapshta. Xhemati ynë meriton mijëra
falënderime se tregoi një shembull të mirë të durimit e të
vetëpërmbajtjes. Ata heshtën edhe pse dëgjonin fyerje të
prekshme që ishin më lënduese se plumbat e pushkës.
(“Çeshmae Marifet”, “Ruhani Khazain”, vol. 23, f.10)
Ai gjithashtu shkruan:
“Po të mos i kisha këshilluar ata për durim e po të mos e kisha
përgatitur Xhematin tim që gjithnjë të tregoheshin të
durueshëm ndaj abuzimeve e sharjeve, atëherë vendi i
mbledhjes do të ishte mbushur me gjak! Mirëpo, ky durim ua
mundësoi ta frenonin zemërimin e tyre.”
(“Çeshmae Marifet”, “Ruhani Khazain”, vol. 23, f.8)
Po ashtu, një ngjarje tjetër e mposhtjes së pasioneve i përket
Hazret Sajed Abdus Settar Shah Sahibit. Ç’shembull i
jashtëzakonshëm është ky që po tregojmë:
209