Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Po ashtu, për faljen e pesë namazeve të përditshme rregullisht,
po ju tregoj shembullin e Babu Fakir Aliut r.a. Ai gjithnjë ka
vepruar sipas proverbës: Zemra me Zotin, dora në punë. M.
Bashir Ahmadi rrëfen se ato ditë kur njerëzit ishin të frikësuar
shumë nga sunduesit anglezë, një oficer anglez iu drejtua Babu
Fakir Aliut (drejtues i trenit) me këto fjalë:- O hoxhë, ti do të
na shkaktosh ndonjë fatkeqësi pasi gjithnjë je i angazhuar me
faljen e namazeve. Ai u bezdis shumë nga biseda e tij. Një ditë
si e mbylli derën dhe dritaren e zyrës, iu afrua oficerit anglez
për të biseduar me të. Oficeri u frikësua se mos ndoshta ai e
sulmonte. Por Fakir Aliu i tha:- Mos u shqetëso. Unë dua të
bisedoj me ty vetëm për vetëm. Ti, vetë, harxhon kohën për të
kryer nevojat e tua; për të pirë duhan e çaj; atëherë përse më
kritikon mua? Ai iu përgjigj se këto janë nevojat natyrore.
Babu Fakir Aliu i tha:- Unë jam nëpunësi yt dhe unë do të të
bindem ty vetëm për ato urdhra që i përkasin detyrës. Unë nuk
detyrohem të të bindem ty për çështje të tjera. Prandaj, unë nuk
mund të pengohem për të falë namaz. Nëse ndodh ndonjë
fatkeqësi ose vonohet treni nga pakujdesia ime, atëherë ke të
drejtë të më qortosh e të më dënosh. Pasi foli me të në këtë
mënyrë, e hapi derën dhe dritaren. Kjo bisedë mes tyre, i ngjalli
aq shumë frikë e respekt oficerit, sa që kur Babu Fakir Aliu
merrte ujë për abdes, ai i thoshte:- Fale namazin me
përkushtim, ndërkohë për detyrat e tua do të kujdesem unë. Në
një rast tjetër, kur ai e pa ushqimin e varfër të Fakir Aliut, u
ndikua shumë nga thjeshtësia e tij.
(“Es-habe Ahmad”, vol. 3, f. 61, botimi i dytë, Kadian, Indi)
Këtu në Angli, z. Bilal Daniel Hawker Nuttali kur e përqafoi
xhematin Ahmadia, për vete zgjodhi emrin Bilal. Mandej,
duke ecur gjurmëve të Hazret Bilalit r.a., u bë myezin i
famshëm. Ai kishte një dëshirë të madh që t’i thërriste të tjerët
për namaz.
(Përmbledhur nga revista “Ansarullah”, qershor 1965, f. 36)
208