Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
madh në zemrat e tyre sa që janë bërë nur mbi nur (dritë mbi
dritë). Këta i falin të gjitha namazet në kohën e tyre të caktuar
dhe me një ëndje e me përkushtim të madh, dhe me shkrirje të
zemrës e me rënkime e dënesë. Shpesh i shoh fytyrat e tyre të
njomura nga lotët, dhe shenjat e frikës së Zotit shihen qartë në
fytyrat e tyre. Atëherë këta fëmijë ishin të vegjël. Mjekra e tyre
sapo kishte dalë. Unë duke e vërejtur një ndryshim të tillë, nuk
lodhesha së bëri sexhde Allahut xh.sh . në shenjë falënderimi. Të
gjitha brengat e shqetësimet që kisha në zemrën time, lidhur
me gjendjen e tyre të dobët shpirtërore, janë larguar. Mandej,
babai i tregoi shokut të tij se sekreti i këtij shndërrimi të tyre
shpirtëror ishte bërë një pikëpyetje për mua. Unë nuk dija se
nga e morën ata këtë ndryshim e transformim në këtë moshë të
re. Pas pak kohe, u zbulua sekreti se ata e morën këtë bekim e
shndërrim nga se e bënë Bejtin në dorën e Hazret Mesihut të
Premtuar a.s. Më vonë, për shkak të këtij zbulimi, edhe babai
tyre e bëri Bejtin në dorën e Imamit të kohës, sepse një
ndryshim i dukshëm shpirtëror e moral që e vërejti tek djemtë e
tij, ia solli rastin që ta gjykonte dëlirësinë dhe pastërtinë
shpirtërore të Mesihut të Premtuar a.s.
(“Es-habe Ahmad”, vol. 1, f. 186, botuar në 1997)
Shembulli i Çodri Nasrullah Khanit, babai i Çodri Zafrullah
Khanit, është përshkruar nga djali i tij si vijon:
“Unë nga mosha fëminore kisha përshtypje se babai im (Çodri
Nasrullah Khani) ishte shumë i përpiktë e i rregullt në pesë
namazet e përditshme dhe në namazin e Tahaxhudit. Ai
namazin e falte me përkushtim e me kënaqësi. Unë shpesh e
shoh përfytyrimin e babanë tim, duke u falur namaz ose duke e
recituar Kuranin. Pasi e bëri Bejtin, ai namazin e sabahut falte
me xhemat në xhaminë që ishte larg nga shtëpia jonë. Prandaj
ne dilnim nga shtëpia shumë herët kur ende ishte errësirë.”
(“Es-habe Ahmad”, vol. 11, f. 163, botuar në 1962)
207