Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Të shmangurit nga shirku
Pra, një ndër kushtet e Bejtit ishte që ata do t’i shmangen
Shirkut dhe ta braktisin atë. Lidhur me këtë, jo vetëm meshkujt
tanë por edhe gratë tona kanë mbajtur qëndrime aq të larta
shembullore saqë duke i parë ato qëndrime dinjitoze të tyre
zemra e njeriut mbushet me mirënjohjen për e Allahun xh.sh .,
dhe mandej kridhet në lutje për Hazret Mesihun e Premtuar a.s.
Ja, unë këtu do përmend një ngjarje të nënës së Hazret Çoudri
Muhammad Zafrullah Khanit se si ajo ushqente një urrejtje
ndaj Shirkut. Thuhet se asaj i vdisnin fëmijët. Një herë u
sëmurë një fëmijë i saj, Zafari. I bënë ilaçe të ndryshme. Një
njeri përgatiti për të një hajmali dhe një grua u përpoq ta vërë
atë në qafën e tij, por nëna e tij e rrëmbeu hajmalinë dhe e
hodhi atë në zjarr, duke thënë se mbështetja ime për shërimin e
djalit është vetëm te Allahu xh.sh . që është Krijuesi dhe Pronari
im. Unë nuk do t’iu jap asnjë rëndësi këtyre hajmalive. Kur
fëmija u bë dy muajsh, ajo grua erdhi prapë. Ajo e puthi djalin
dhe kërkoi do veshmbathje e ushqim gjë që dëshmonte qartë se
ajo këtë ndihmë e kërkonte vetëm që të largohet e keqja nga
Zafari. Nëna e djalit iu përgjigj:- Ti je një grua e varfër dhe një
vejushë, nëse këto gjëra i kërkon si lëmoshë, unë jam gati që të
të jap ty, sipas mundësisë sime. Mirëpo unë nuk kam besim as
tek magjistarët e as tek shtrigat. Unë besoj vetëm Allahun,
pronar të jetës e të vdekjes, dhe nuk besoj se dikush tjetër ka
ndonjë rol në këtë çështje. Këto besime, sipas meje, hyjnë në
kategorinë e shirkut dhe për këtë arsye i urrej shumë. Pra, në
bazë të kësaj bindjeje, unë nuk të jap ty asgjë. Ajo grua i tha:-
Mendohu mirë. Nëse ti dëshiron jetën e djalit, atëherë ti
patjetër duhet të ma plotësosh kërkesën time.
Pas disa ditësh, kur kjo nënë po e lante djalin, erdhi prapë ajo
grua dhe duke bërë me shenjë në drejtim të djalit, tha:- Ky
qenka ai djalë? Po ky është ai djalë, iu përgjigj e ëma. Ajo grua
199