Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Mirëpo, ai që dëshiron të rrijë larg mureve të mia, do të
rrethohet me vdekje nga të katër anët, bile nuk do të shpëtojë as
kufoma e tij. Kush hyn në kështjellën time? Vetëm ai që e
braktis keqbërësin dhe e përvetëson bamirësinë; vetëm ai që e
braktis dredhinë e shtrembësinë dhe e përvetëson rrugën e
vërtetë; vetëm ai që veten e liron nga prangat e nga robëria e
shejtanit dhe bëhet rob i sinqertë e i bindur i Allahut xh.sh.
Çdokush që vepron në këtë mënyrë është tek unë dhe unë jam
tek ai. Por vetëm ai, të cilit Allahu xh.sh. i dhuron një shpirt të
pastër ka fuqi ta arrijë këtë. Mandej, Allahu xh.sh. e vë këmbën e
Vet në xhehenemin e qenies së tij dhe ai bëhet aq i ftohtë,
sikurse nuk ekzistonte në të ndonjë zjarr më parë. Atëherë, ai
arrin sukses pas suksesi dhe ecën përpara, derisa vendoset në të
shpirti i Allahut xh.sh., dhe me një manifestim të veçantë Allahu
xh.sh. zbret në zemrën e tij (Allahu xh.sh. krijon Arshin (Fronin)
e Tij në zemrën e tij), atëherë mendësia e tij e vjetër digjet e atij
i jepet një mendësi e re dhe e pastër. Po ashtu, edhe Allahu xh.sh.
krijon një lidhje të veçantë me të, duke u bërë Zot i ri, dhe atij i
dhurohen tamam në këtë botë të gjitha mjetet që janë të
përshtatshme e të nevojshme për jetën parajsore.”
(“Fat’he Islam”, “Ruhani Khzain”, vol. 3, f. 34-35)
Allahu xh.sh. na mundësoftë që t’i plotësojmë të gjitha betimet e
bëra me Hazreti Mesihun e Premtuar a.s., dhe që të qëndrojmë
besnikë ndaj të gjitha kushteve të Bejtit; që jetën tonë ta bëjmë
jetën parajsore, duke e praktikuar mësimin e tij e të bëhemi
trashëgimtarë të parajsave të Ahiretit. Allahu xh.sh. na
ndihmoftë! Amin!
(Marrë nga fjalimi i së xhumasë, i mbajtur më 9 shtator, 2003,
në xhaminë Fadl të Londrës)
189