Bejtit - Ahmadiyya Muslim Community

Ai thotë:
Kushtet e Bejtit dhe përgjegjësitë e një ahmadiu
“Xhemati ynë duhet të ketë një lidhshmëri të sinqertë me
Allahun xh.sh., dhe anëtarët e Xhematit duhet të tregohen
mirënjohës ndaj Allahut xh.sh. se Ai nuk i ka braktisur, por,
përkundrazi, Ai ka shfaqur qindra shenja (mrekulli) të fuqisë së
Vet, me qëllim që të përforcohen e të zmadhohen aftësitë e tyre
të besimit deri në nivelin e bindjes së plotë. A ka ndonjë prej
jush që mund të thotë se nuk ka parë asnjë shenjë? Unë
deklaroj qartë se nuk ka njeri që ka pasur rast të qëndronte në
shoqërinë time e prapë nuk pati mundësi të shikonte ndonjë
shenjë të freskët të Allahut xh.sh.
Pra, ka nevojë që besimi i anëtarëve të Xhematit tonë të shtohet
e të zmadhohet, ata duhet të kenë besim e bindje të sinqertë e të
vërtetë tek Allahun xh.sh., ata nuk duhet të përtojnë për kryerjen
e veprave të mira. Nëse do të përtojnë, atëherë edhe marrja e
abdesit do të bëhet shumë e rëndë për ta. Mandej si mund të
falin namazin e tahaxhudit. Nëse nuk zhvillohet e nuk krijohet
fuqia për të kryer vepra të mira, dhe nëse nuk buron pasioni për
të paraprirë me bamirësi, atëherë është kot të lidheni me mua.”
(“Malfuzat”, vol. 2, f. 710-711, Indi, 2003)
Në këtë kushtin e dhjetë të Be’atit, Mesihu i Premtuar a.s. i ka
dhënë theks të veçantë një lidhshmërie me të, shembulli i së
cilës nuk është në asnjë lidhshmëri tjetër të kësaj bote. E
vetmja arsye e kësaj qëndron në faktin se ai ushqen simpati
ndaj nesh. Këtë ai e tha që të na shpëtojë nga shkatërrimi, sepse
Islami i vërtetë mund të fitohet atëherë kur e pranojmë atë.
Nëse ne dëshirojmë ta shpëtojmë veten nga mbytja atëherë pa
tjetër duhet të hipim në barkën e Mesihut të Premtuar a.s.
Hazreti Mesihu i Premtuar a.s. thotë:
186