Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Disa sosh japin dëshmi të rreme për hir të interesave të tyre
personale. Ata i paraqesin paditë e tyre të gënjeshtra. Mesihu i
Premtuar a.s. thotë se interesat tuaja personale nuk duhet t’ju
pengojnë të jepni dëshmi të vërteta. Ka disa njerëz në këtë vend
dhe në vende të ndryshme që japin dokumente false për të
fituar azil. Pra, ju duhet të ruheni prej këtyre gjesteve të
shëmtuara. Ju keni të drejtë ta paraqitni dosjen tuaj për azil me
fakte e me të dhëna të vërteta, dhe nëse pranohet, mirë është,
përndryshe ju duhet të ktheheni mbrapsht. Sa herë ka ndodhur
që kërkesa për azil, e bazuar mbi të dhënat jo të vërteta e të
sakta, është hedhur poshtë; pra ju duhet të provoni të kërkoni
azil duke treguar të vërtetën, Inshallah, dhe do të keni dobi e
sukses. Po nëse refuzohet e hidhet poshtë kërkesa juaj, ju më së
paku nuk do të fitoni zemërimin e Allahut xh.sh.
Zhvillojeni vëllazërimin e dashurinë
midis jush dhe një lidhshmëri të vërtetë
me Allahun xh.sh.
Duke këshilluar për dashurinë e vëllazërimin me njëri tjetrin,
Mesihu i Premtuar a.s. thotë:
“Zhvillojeni vëllazërimin e dashurinë midis jush, dhe largojuni
egërsisë e grindjes. Largohuni tërësisht nga çdo lloj përbuzjeje,
talljeje e përqeshjeje, sepse këto do t’ju largojnë nga e vërteta
dhe do t’ju çojnë larg. Silluni me respekt me njëri-tjetrin.
Çdokush duhet t’i japë epërsi rehatisë së vëllait të vet. Krijoni
një pajtim të sinqertë me Allahun xh.sh. dhe kthehuni në drejtim
të bindjes së Tij. ... Shmangini e largojini çdo lloj grindjeje,
armiqësie e inati midis jush sepse ka ardhur koha që ju t’iu
shmangeni çështjeve të vogla e të imëta, dhe të angazhoheni në
qëllime të rëndësishme e madhështore.”
(“Malfuzat”, vol. 1, f. 266-268, Angli, 1984)
185