Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
që nuk është i pranishëm aty, ai natyrisht do të krijojë
përshtypje jo të mirë për atë person dhe do të zemërohet me
atë. Mirëpo, unë mendoj se nuk ka nevojë për zemërim e për të
krijuar përshtypje jo të mirë, aty ka një rrugë për t’i penguar
këto vepra të këqija, dhe ajo është që njeriu duhet të ketë takim
drejtpërsëdrejti me atë person, për të cilin është folur keq, e ta
pyesë atë: A ke folur për mua në këtë mënyrë apo jo, sepse unë
kam dëgjuar kështu? Kjo metodë do ta sqarojë tërë çështjen
dhe do të japë ndihmë në përmirësimin e njerëzve të tillë.
Nganjëherë ndodh që persona të tillë krijojnë përçarje në mes
të familjeve dhe i fusin ato në sherr me njëra-tjetrën. Ruajuni
prej veprave të tilla e prej njerëzve të tillë ngatërrestarë. Dhe,
nëse keni mundësi, përpiquni t’i korrigjoni e t’i përmirësoni
ata. Pastaj, një sherr ose grindje mund të zhvillohet me anë të
përballjes së drejtpërdrejtë ashtu dhe me anë të sharjeve.
Mesihu i Premtuar a.s. na tregon: Nëse jeni të lidhur me mua
dhe pohoni se do të më bindeni, atëherë duhet t’iu shmangeni e
t’u largoheni bisedave të tilla që krijojnë sherr e ngatërresa.
Përveç kësaj, ju duhet të keni aq shumë durim e vetëpërmbajtje
sa që nëse dikush ju fyen, ju duhet të shfaqni durim. Dora e
shpëtimit do të shtrihet për ju, kur ju do të veproni sipas këtyre
mësimeve. Ju do të bashkoheni me ata që e fituan afërsinë e
Allahut xh.sh. Nuk duhet të përballeni për asnjë çështje. Sado që
jeni të vërtetë, shfaqni përulësi si ai që është në gabim. Pa
marrë parasysh ç’thonë njerëzit, ju duhet të silleni me dashuri e
me ndershmëri. Gjuha juaj duhet të jetë aq e pastër, të folurit
tuaj duhet të jetë aq e ëmbël, dhe cilësitë e larta morale duhet të
burojnë nga ju natyrshëm, që njerëzit të tërhiqen vetvetiu në
drejtim tuaj. Atëherë çdo kush duhet ta realizojë se ju jeni
anëtarë të Xhematit Ahmadia. Nuk pritet prej tyre më pak se
cilësi morale të larta e shëmbëlltyra të shkëlqyera. Shkurt,
moralet tuaja të larta e virtytet tuaja të shkëlqyera do të jenë
burim që do të tërheqin vëmendjen e të tjerëve.
184