Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Kush hyn në Xhemat
Hazreti Mesihu i Premtuar a.s thotë:
“Vetëm ai që e praktikon mësimin tim si kod të jetës së vet dhe
e praktikon këtë sipas mundësisë dhe aftësisë së vet mund të
hyjë në Xhematin tim. Mirëpo, ai që vetëm e regjistron emrin e
tij, por nuk i praktikon këto mësime, duhet ta dijë se Allahu
xh.sh. ka vendosur që këtë Xhemat ta bëjë një Xhemat të
veçantë, dhe kushdo që nuk i takon sinqerisht këtij Xhemati,
nuk do të llogaritet anëtar i këtij Xhemati edhe pse e ka
regjistruar thjeshtë emrin e vet. Do të vijë për të një kohë kur ai
vetë do të ndahet prej këtij Xhemati. Prandaj, sa kini mundësi,
veproni sipas këtyre mësimeve që ju jepen.”
Çfarë janë ato mësime? Ai thotë:
“Mos fusni ngatërresa, mos bëni sherr, shfaqni durim, kur ju
shan dikush, mos u përballni me të. Nëse dikush përballet me
ju, silluni me të me butësi e me sjellje të mira. Paraqitni
shembull të shkëlqyer të të folurit butë. Dëgjojeni me sinqeritet
e me besnikëri çdo porosi, që të kënaqet Allahu xh.sh. me ju, dhe
në anën tjetër të dëshmojë dhe armiku se ju nuk mbetët më ata
persona siç ishit në të kaluarën. Jepni dëshmi të vërteta në
proceset gjyqësore. Çdokush që hyn në këtë Xhemat duhet ta
përvetësojë ndershmërinë e vërtetësinë me gjithë zemër, me
tërë vendosmërinë dhe me gjithë fuqinë. Bota është afër
fundit.”
(“Malfuzat”, vol. 3, f. 620-621, Indi, 2003)
Këtu, ai thotë se mos fusni ngatërresa. Ka disa sosh që kanë
dëshirë të merren me thashetheme. Këto mbajnë rrezik të
shkaktojnë çrregullime e ngatërresa. Njerëzit kanë
temperamente të ndryshme. Nëse dikush flet keq për një person
183