Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
është ajo gjë që së pari zhvillohet në zemër si rezultat i ndjekjes
së vërtetë e të përsosur të Profetit të shenjtë s.a.v.s. , pra ta dini se
ajo është zemra e dëlirë dhe e qëruar. Kjo do të thotë se
dashuria e botës materiale ndahet e këputet nga zemra, dhe
zemra e njeriut kërkon e dëshiron një kënaqësi të amshueshme
dhe të pasosur. Mandej, si rezultat i kësaj zemre të dëlirë,
përfitohet një dashuri e përsosur dhe e pastër Hyjnore. Dhe të
gjitha këto bekime e dhurata fitohen si pasojë e ndjekjes së
vazhdueshme e Profetit të shenjtë s.a.v.s. , siç Allahu xh.sh. thotë:
1
Thuaj: Nëse e doni Allahun, atëherë më ndiqni mua. Kështu
edhe Allahu do t’ju dojë.
Pa dyshim, pohimi i njëanshëm i dashurisë është tërësisht i
gabuar. Kur njeriu e dashuron Allahun me sinqeritet të plotë,
atëherë edhe Allahu xh.sh. e do atë, dhe e përhap pranimin e tij
në tokë, e krijohet për të një dashuri e vërtetë në mijëra e
mijëra zemra; atij i dhurohet një forcë joshëse, dhe atij i jepet
një nur (dritë) që rri përherë me të. Kur një person e dashuron
Allahun xh.sh. me zemër të sinqertë dhe që e zgjedh dhe e
pranon Atë xh.sh. mbi çdo gjë në botë, atëherë nuk mbetet në
zemrën e tij madhështia e dinjiteti i tjetërkujt, përveç Allahut
xh.sh., jo vetëm kaq por ai i konsideron të gjithë të tjerët më të
këqij e më të dobët se një insekt i ngordhur, atëherë Allahu xh.sh.
që e sheh zemrën e tij, zbret në të me një manifestim të vërtetë.
Ashtu, siç një pasqyrë e pastër që i vihet përballë diellit merr
pasqyrimin e përsosur të tij, të cilin, figurativisht e
metaforikisht, mund ta quajmë se i njëjti diell që është në qiell
është dhe në pasqyrë. Në të njëjtën mënyrë Allahu xh.sh. zbret në
1 (Ale Imran, 3:32)
176