Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
KUSHTI X
“Ai, vetëm për hir të Allahut, do të ketë lidhshmëri vëllazërore
me mua duke m’u bindur në të gjitha urdhrat e drejta dhe deri
në vdekje do të qëndrojë besnik ndaj kësaj lidhshmërie dhe do
të dalë aq i shkëlqyer në këtë lidhje, saqë nuk do të gjejmë
shembull të tillë në ndonjë lidhje tjetër miqësore e farefisnore
në këtë botë.”
Është e domosdoshme që të krijosh
lidhshmëri vëllazërore
me Hazret Mesihun e Premtuar a.s.
dhe me Kalifin e tij
Në këtë kusht, Hazreti Mesihu i Premtuar a.s. është duke marrë
prej nesh një zotim që duke e përqafuar këtë Xhemat krijojmë
një lidhshmëri me të. Një musliman është vëlla i një muslimani
tjetër. Mirëpo, lidhshmëria e dashuria vëllazërore që krijohet
këtu, nuk është një lidhshmëri e zakonshme, por ne këtë
lidhshmëri e krijojmë vetëm për shkak se Allahu xh.sh. dhe
Profeti i Tij s.a.v.s. na urdhërojnë që ta pranojmë atë Mesih të
Premtuar, ardhja e të cilit është paralajmëruar. Prandaj, kjo
lidhshmëri është duke u krijuar vetëm për hir të Allahut xh.sh.,
për të ngritur lart fenë e Allahut xh.sh. dhe për të përhapur
Islamin në të gjitha skajet e botës. Kjo lidhshmëri mund të
164