Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Hazreti Abdullah bin Amr r.a. rrëfen se Profeti i shenjtë s.a.v.s. ka
thënë:- Allahu xh.sh. do t’i mëshirojë ata që mëshirojnë. I
mëshironi banorët e tokës, Ai në qiell do t’ju mëshirojë.
(Sunan Abu Daud, Kitabul Adab, Bab fir rrahmah)
Hazreti Mesihu i Premtuar a.s. thotë:
“Mbani mend se janë dy urdhra të Allahut xh.sh. Së pari, mos i
vini Allahut ndonjë partner, as në qenien e Tij e as në atributet
e Tij. Së dyti, silluni mirë e me dashamirësi ndaj krijesave të
Allahut xh.sh. Të jesh mirënjohës, nuk do të thotë që ti të sillesh
mirë e me mirënjohje vetëm ndaj vëllezërve e ndaj pjesëtarëve
të farefisit tënd, por të sillesh me mirënjohje ndaj çdokujt prej
krijesave të Allahut xh.sh. Mos mendoni se ai është hindu apo i
krishterë. Unë me të vërtetë ju them se Allahu xh.sh. e mori
përsipër vetes përgjegjësinë që t’ju sigurojë drejtësinë; Ai nuk
dëshiron që ju ta mbani atë. Sa më butë të silleni e sa më
shumë të shfaqni përulësi, aq më shumë do të gëzohet Allahu
xh.sh. me ju. Armiqtë tuaj ia dorëzoni Allahut xh.sh. Dita e
Kiametit është afër. Ju nuk duhet të brengoseni për shkak të
atyre dhimbjeve e vuajtjeve që ju sjellin armiqtë tuaj. Unë shoh
dhe perceptoj se ju do të ballafaqoheni më shumë me vështirësi
e me vuajtje nga duart e tyre, sepse gjuha e atyre që dalin jashtë
rrethit të civilizimit e të edukimit punon aq egërsisht sikurse
çahet ndonjë digë nga ku rrjedh ujë furishëm. Njeriu i dëlirë e i
pastër duhet t’i kontrollojë fjalët e tij.”
(“Malfuzat”, vol. 9, f. 164-165, Angli, 1984)
Ai më tutje thotë:
“Mbani mend se aty ka dy kategori të drejtash. Të drejtat e
Allahut xh.sh. (Hukukullah) dhe të drejtat e njerëzve të Zotit
(Hukukul Ibad). Lidhur me të drejtat e Allahut xh.sh., pasanikët
154