Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Me ndihmën e me mëshirën e Allahut xh.sh. e me ndikimin e
pastër të Mesihut të Premtuar a.s. dhe duke e zbatuar e duke e
ndjekur mësimin e tij, shumë sëmundje, për të cilat ai ishte i
shqetësuar në atë kohë, janë zhdukur nga Xhemati. Me
mëshirën e Allahut xh.sh., një pjesë e madhe e Xhematit u
pastrua tërësisht e u shërua nga ato sëmundje, dhe i tillë është
edhe sot. Mirëpo, sa më shumë po largohemi nga ajo kohë e ajo
epokë, shejtani vazhdimisht na sulmon me sëmundje
shoqërore. Prandaj, në bazë të këshillave të Mesihut të
Premtuar a.s., ne duhet të përpiqemi të largohemi prej atyre
sëmundjeve me anë të orvatjeve e të lutjeve tona. Ne duhet t’i
bëjmë lutje Allahut xh.sh. që ta ruajë Xhematin e tij nga
sëmundjet shoqërore e ta bëjë atë të përsosur. Unë tani po citoj
disa hadithe:
Hazreti Abu Hurejrah r.a. rrëfen se Profeti i shenjtë s.a.v.s. ka
thënë:
Vërtet, Allahu xh.sh. në Ditën e Kiametit do të thotë:- O biri i
Ademit, unë isha i sëmurë dhe ti nuk më vizitove? Robi do të
thotë:- O Zoti im, si të të vizitoja Ty, kur Ti je Zot i të gjitha
botërave? Allahu xh.sh. do të thotë:- A nuk e ke ditur se filan
robi Im është i sëmurë, përse nuk i bëre vizitë? A nuk e di ti se
po t’i kishe bërë vizitë atij, do të Më kishe gjetur Mua aty afër
tij. O biri i Ademit, Unë kam kërkuar prej teje ushqim, por ti
nuk më ke dhënë! Robi do të thotë:- O Zoti im, si do të të jepja
ushqim, kur ti je Zoti i të gjitha botërave? Allahu xh.sh. do të
thotë:- A nuk e ke ditur se filan robi Im të ka lypur ushqim, por
ti nuk i ke dhënë! A nuk e ke ditur se po ta ushqeje atë, do ta
kishe marrë shpërblimin tënd prej Meje?
O biri i Ademit, unë të kam kërkuar ujë, por ti nuk më ke
dhënë! Robi do të thotë:- O Zoti im, si do të të kisha dhënë Ty
ujë, kur Ti je Zot i të gjitha botërave? Allahu xh.sh. do të thotë:-
A nuk e ke ditur se filani robi Im të ka kërkuar ujë, por ti nuk i
150