Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Shkurt, ju duhet të silleni mirë ndaj krijesave të Zotit, dhe të
keni simpati ndaj tyre, që të bëheni të dashur në sy të Zotit e të
fitoni shpërblimin e të dyja botëve. Dhe kur shfaqni mirënjohje
ndaj dikujt, bëjeni këtë vetëm për hir të dashurisë, e jo për sy e
faqe të botës e as për të pritur ndonjë shpërblim prej njerëzve.
Allahu xh.sh. në Kuranin e Shenjtë thotë:
Ata, për hir të dashurisë së Zotit, i ushqejnë të varfrit, jetimët
dhe të robëruarit.
(Ed-Dahrr, 76:9)
Një kuptim i këtij ajeti është se ata pavarësisht nga nevojat e
veta tregojnë kujdes ndaj nevojtarëve, vetëm e vetëm për hir të
Allahut
147
xh.sh , dhe ata vetë mbeten të uritur, por i ushqejnë të
uriturit. Ata nuk tregojnë koprraci në këtë sakrificë të tyre,
duke u dhënë nevojtarëve aq sa që nuk ua plotëson tërësisht
kërkesën e tyre, dhe nuk mund t’ua zhdukë urinë. Përkundrazi,
ata u japin ndihmë aq sa kanë mundësi. Ata veprojnë kështu,
vetëm që të bëjnë bamirësi, e për hir të pëlqimit të Allahut xh.sh.,
e jo për të pritur ndonjë falënderim a shpërblim. Ata
nevojtarëve u japin ato gjëra, që i përdorin vetë, duke i mbajtur
në mend udhëzimet e Allahut xh.sh. Ata nuk u japin ndihmë për
t’u dukur. Fatkeqësisht, aty ka disa sosh që u japin të tjerëve do
dhurata nga gjërat e tyre të përdorura apo nga rrobat e vjetra.
Njerëzit e tillë duhet të kenë kujdes ndaj nderit e ndaj dinjitetit
të vëllezërve e të motrave të tyre. Nëse nuk keni mundësi t’u
dhuroni diçka të varfërve, atëherë është më mirë që të mos u
jepni asnjë dhuratë, ose t’ua jepni duke i sqaruar se: këto janë
gjërat e mia të përdoruara, nëse doni mund t’i pranoni.