Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Sjellje të mira ndaj të gjithëve
Në këtë ajet, Allahu xh.sh. thotë se ju duhet të silleni mirë jo
vetëm ndaj vëllezërve, farefiseve, ndaj shokëve, ndaj fqinjëve,
dhe t’i ndihmoni ata, kur kanë nevojë për ndihmën tuaj dhe t’u
sillni dobi, sa keni mundësi; por silluni mirë edhe ndaj atyre
njerëzve, ndaj atyre fqinjëve, të cilët ju nuk i njihni e ata nuk
janë as farefis me ju, dhe t’i ndihmoni edhe ata që ju takoni
rastësisht dhe që kanë nevojë për ndihmën tuaj, duhet patjetër
t’u sillni dobi, sa të kini mundësi. Me anë të këtyre sjelljeve, do
të krijohet një shoqëri e bukur e Islamit. Ju duhet të krijoni në
vetvete vetinë thelbësore dhe vetinë e dhembshurisë ndaj të
gjitha krijesave të Zotit, duke u bindur e duke kuptuar mirë se
bamirësi e tillë hyn në kategorinë e mirënjohjes. Dhe
mirënjohja nuk bëhet me qëllim që do të kem ndonjë
shpërblim. Por, përkundrazi, mirënjohja bëhet vetëm për hir të
Zotit. Po nëse do të veprojmë në këtë mënyrë, do të krijohet një
shoqëri aq e bukur, ku nuk do të ketë grindje midis burrit e
gruas, midis vjehrrës e nuses, midis vëllezërve e as midis
fqinjëve. Çdo person do të sillet mirë ndaj personit tjetër, dhe
do të mundohet t’i respektojë të drejtat e tij, me dashuri e me
kujdes. Secili do të veprojë kështu vetëm për të fituar pëlqimin
e dashurinë e Allahut xh.sh. Në shoqëritë tona të sotme, ka
nevojë më së shumti që ta ndjekim këtë rrugë, dhe është me
rëndësi të veprojmë sipas saj. Allahu xh.sh. thotë se nëse ju nuk
do ta ndiqni këtë rrugë e nuk do të veproni kështu, atëherë ju
do të numëroheni ndër arrogantët. Dhe Allahu xh.sh. nuk i do
arrogantët. Arroganca është një sëmundje nga e cila burojnë të
gjitha të këqijat e prapësitë. ... Në kushtin e shtatë, unë kam
folur gjerë e gjatë, prandaj nuk e ndiej të nevojshme të flas
prapë për arrogancën.
146