Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
arroganca. Prandaj, përpiquni ta braktisni e ta shmangni
arrogancën, që të mos shkatërroheni, e që të shpëtoni me gjithë
anëtarët e familjes suaj. Drejtojuni dhe anohuni nga Zoti xh.sh.,
dhe dashurojeni Atë aq sa është e mundur të dashurohet dikush
në këtë botë, dhe frikësojuni Atij aq sa mund t’i frikësoheni
dikujt në botë. Bëhuni me zemër të çiltër, qëllimmirë, të
gjunjëzuar, të bindur e të pasherr, që të mëshiroheni!”
(“Nuzulul Masih”, “Ruhani Khazain”, vol. 18, f. 402-403)
Një gjë tjetër që është përmendur në këtë kusht është se ai
(bejtbërësi) do të kalojë jetën me përulësi, përvuajturi, me
sjellje të mira, me përmbajtje e me butësi. Siç kam thënë më
parë, nëse ju do të përpiqeni ta lironi zemrën e mendjen tuaj
nga prangat e arrogancës, përpiquni të bëni kështu, atëherë ju
duhet të arrini cilësi morale të larta, një karakter të shkëlqyer e
një cilësi të bukur në vete, përndryshe shejtani do t’ju sulmojë
ashpër, sepse ai gjithnjë rri në pritë, që të mos ju lerë vetëm.
Ato cilësi e ai karakter është përulësia e përvuajtësia. Është e
pamundur që njeriu modest, i përulur të jetë edhe arrogant.
Arrogantët gjithnjë i përqeshin e i tallin njerëz të tillë të përulur
e të përvuajtur që janë robërit e Zotit të Mëshirshëm. Kur keni
mosmarrëveshje me njerëzit e tillë, ju nuk duhet t’i praktikoni
sjelljet e tyre, por, përkundrazi, duhet të veproni sipas kësaj
porosie të Allahut xh.sh.:
Dhe robërit e vërtetë të Zotit të Mëshirshëm janë ata që ecin
në tokë të përvuajtur dhe kur të paditurit u drejtohen atyre (me
130