Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Allahut se Xhemati Ahmadia është i pastër nga njerëzit e tillë
xhybeveshur. Mandej, kur kthehen nga Haxhillëku, bëhet një
propagandë aq e madhe, sa që nuk mund të përshkruhet.
Njerëzit e tillë, madje, agjërojnë dhe bëjnë haxhillëk vetëm për
t’u dukur e për sy e faqe të botës e me shtirje. Kjo gjithçka
bëhet vetëm me qëllim që njerëzit të flasin se filani është
shumë i dëlirë e i çiltër. Ai agjëron shumë, është haxhi, është
shumë bamirës. Si rezultat i kësaj, të gjitha këto reklamime dhe
vepra të kryera për sy e faqe të botës e për t’u dukur
shndërrohen në arrogancë e vetëmburrje. Ai mandej thotë se
disa njerëz krenohen për shkak të racës apo të familjes së tyre.
Ata mendojnë se rrjedhin prej familjeve të larta, dhe flasin për
të tjerët se ata u takojnë shtresave të ulëta e si mund të
barazohen me ne! Pra, Hazreti Mesihu i Premtuar a.s. thotë se
arroganca është disa llojesh që ju çojnë larg oborrit e afërsisë
së Zotit, e mandej dalëngadalë e hedhin njeriun në prehrin e
shejtanit.
Pastaj ai thotë:
“Pra, sipas pikëpamjes sime, kjo është rruga më e përshtatshme
për t’u pastruar. Është e pa mundur që njeriu mund të gjejë
ndonjë rrugë tjetër më të mirë e më të vlefshme se kjo që ai ta
braktisë arrogancën e mburrjen – për shkak të diturisë, pasurisë
e të familjes. Kur Allahu xh.sh. i dhuron dikujt syrin e
mendjemprehtësisë, atëherë ai mund të shikojë se çdo dritë që
mund ta shpëtojë njeriun prej të gjitha këtyre errësirave zbret
nga qielli. Dhe njeriu gjithnjë ka nevojë për këtë dritë qiellore.
Madje, syri i njeriut nuk mund të shohë asgjë derisa nuk zbret
drita e diellit që zbret prej qiellit. Po ashtu, në të njëjtën
mënyrë, drita e brendshme që e zhduk çdo lloj errësire e në
vend të saj krijon dritën e devotshmërisë e të dëlirësisë zbret
gjithashtu prej qiellit. Unë me të vërtetë them se devotshmëria,
besimi, ibadeti, pastërtia e dëlirësia e njeriut - të gjitha këto
126