Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Hazreti Abdullah r.a. rrëfen se Profeti i shenjtë s.a.v.s. ka thënë:-
Kush do të ketë në zemrën e tij një grimcë arrogance, nuk do të
hyjë në xhenet; dhe kush do të ketë në zemrën e tij një grimcë
besimi, nuk do të hyjë në xhehenem.
(Sunan Ibn Maxha, Kitabul Mukedemah,
Bab fil iman, hadithi 59)
Hazreti Mesihu i Premtuar a.s. thotë:
“Unë me të vërtetë ju them se në Ditën e Kiametit, pas shirkut,
nuk do të ketë bela më të madhe se arroganca. Kjo është një
bela që e poshtëron njeriun në të dyja botët. Mëshira Hyjnore
ndreq dhe mbulon çdo besimtar që ka besim në Njësinë e
Zotit, por jo njeriun arrogant. Shejtani, gjithashtu, pohonte se
kishte besim në Njësinë e Zotit; mirëpo, ai meqë ishte arrogant,
e përbuzi Ademin që ishte i dashuri i Zotit. Shejtani e kritikoi
atë, e kështu ai u shkatërrua, dhe është vënë zgjedha e
mallkimit në qafën e tij. Pra, mëkati i parë për shkak të cilit një
person është shkatërruar përgjithmonë ishte, pa dyshim,
arroganca.”
(“Aina Kamalat-e-Islam”, “Ruhani Khazain”, vol. 5, f. 598)
Ai më tutje thotë:
“Nëse aty në ndonjë anë tuaj ka një element arrogance,
kryelartësie, vetëlavdërimi ose përtacie, atëherë ju nuk jeni të
denjë që të pranoheni. Mos ndodhtë që ju ta mashtroni veten
me disa gjëra, duke menduar se e keni mbërritur atë që duhej
mbërritur, sepse Zoti dëshiron që e tërë qenia juaj të kalojë
përmes një revolucioni të plotë. Ai prej jush kërkon një vdekje,
pas së cilës do t’ju ringjallë.”
(“Kishtie Nuh”, “Ruhani Khazain”, vol. 19, f. 12)
124