Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
sepse për shkak të xhelozisë njëri prej bijve të Ademit e vrau
vëllanë e tij. (Risala Kashirija, Babul hased, f. 79, mekteba Muti Mustafa
Elbabi ve auladuhu, Misar, Botimi i parë, 1940)
Hazreti Abdullah bin Masudi r.e. rrëfen se Profeti i shenjtë
s.a.v.s. ka thënë:- Atë që do të ketë një grimcë arrogance në
zemrën e vet, Allahu xh.sh. nuk do ta lejojë të hyjë në xhenet.
Njëri tha:- O Profet i Allahut xh.sh., nganjëherë njeriu dëshiron
të ketë rroba të bukura, këpucë të mira, e dëshiron që të duket i
pashëm e hijshëm. Ai tha:- Kjo nuk është arrogancë. Ai shtoi:
Allahu xh.sh. është i bukur dhe e do bukurinë. Arroganca e
vërtetë shfaqet kur njeriu kërkon që ta mohojë të vërtetën, do
që t’i përbuzë njerëzit, t’i nënçmojë e t’i poshtërojë ata e të
sillet padrejtësisht ndaj tyre.
Në një hadith, Hazreti Abu Hurejrah r.a. rrëfen se Profeti i
shenjtë s.a.v.s. ka thënë:- Xhehenemi e xheneti patën një
diskutim. Xhehenemi tha:- Njerëzit më mizorë e arrogantë
hyjnë tek unë. Xheneti tha:- Njerëzit e varfër e modestë hyjnë
tek unë. Në këtë rast, Zoti xhehenemit i tha:- Ti je manifestimi
i ndëshkimit Tim. Nëpërmjet teje e dënoj atë që dua Unë. Dhe
xhenetit i tha:- Ti je manifestimi i mëshirës Sime. Nëpërmjet
teje e mëshiroj atë që dua Unë. Dhe ju të dy do të keni pjesën
tuaj të plotë që ju takon.
(Sahih Muslim, Kitabul xheneti ve sifati naimiha ve ehliha, Bab En-nari
jedkhuluhal xheb-barun vel Xheneti jedkhuluhad duafau)
Allahu xh.sh. e bëftë të mundur që çdo ahmadi të ketë shikimin e
mëshirës së Allahut, duke ecur rrugëve të përulësisë, modestisë
dhe të cilësive të larta morale, dhe të fitojë xhenetin e Allahut
xh.sh., dhe çdo shtëpi të jetë e pastër nga mëkati i arrogancës!
122