Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Njerëzit arrogantë kanë një stil të tyre të veçantë. Allahu xh. sh.
nuk e do atë person që ecën me qafë të ngrirë e të
papërkulshme. Disa njerëz qëndrojnë kryelartë e arrogantë para
njerëzve më të dobët se ata, por tregojnë bindjen e përulësinë
para atyre që janë më të mëdhenj se ata. Dukuria e hipokrizisë
vihet re qartë në persona të tillë. Pra, vesi i arrogancës pjell
shumë sëmundje të tjera morale e vese të tjera të këqija, e
kështu dalëngadalë e gradualisht mbyllen plotësisht të gjitha
shtigjet e bamirësisë. Persona të tillë, mandej, largohen prej
fesë e prej nizamit të Xhematit (sistemi i organizimit të
Xhematit). Sa më shumë rritet arroganca e tyre, aq më shumë
ata i largohen Zotit e Profetit të Tij, dhe zhvishen nga bekimet
e mirësitë e Allahut xh.sh. Është shkruar në një hadith:
Hazreti Xhabar r.a. rrëfen se Profeti i shenjtë s.a.v.s. ka thënë:- Në
Ditën e Kiametit, njerëzit më të dashur e më afër meje do të
jenë nga njerëzit tuaj që do të kenë cilësi morale e virtyte më të
larta. Dhe më të neveritshëm e larg meje do të jenë po nga
njerëzit tuaj që do të jenë thertharë që do të jenë gojështhurur e
lerashë; mutashedikë që flasin me fytyra të ndryshme; dhe
mutafahikë që shfaqin arrogancë. Es-habët e tij e pyetën, O
Profet i Allahut, ne e dimë se cilët janë thertharë e
mutashedikë, por nuk e dimë kuptimin e fjalës mutafahik? Ai iu
përgjigj: Mutafahik është ai që flet me arrogancë e
mendjemadhësi.
(Sunan Tirmidhi, Kitabul Birri ves-silah, Bab ma xha’a
fil ma’ali vel ikhlak, hadithi 2018)
Hazreti Ibne Masudi r.e. rrëfen se Profeti i shenjtë s.a.v.s. ka
thënë:- Tri veti janë rrënja e çdo mëkati, duhet të ruhuni prej
tyre, ruhuni prej arrogancës, sepse arroganca e shtyu shejtanin
që të mos i bëjë sexhde Ademit. Ruajuni lakmisë sepse lakmia
e nxiti Ademin ta hante pemën e ndaluar. Ruajuni xhelozisë,
121