Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Dhe mos ec krenar në tokë, sepse ti as nuk mund ta çash tokën,
e as nuk mund t’i kalosh lartësitë e maleve.
(Beni Israil (Isra), 17:38)
Ky ajet flet qartë se njeriu nuk ka ndonjë pozitë që të krenohet
e të mburret. Ka disa njerëz që mendojnë se janë mbretër të
kohës. Ata nuk dëshirojnë të dalin jashtë rrethit të vet të
kufizuar. Duke jetuar e duke mbetur në rrethin e tyre, ata
mendojnë për vete se janë diçka e madhëruar. Këtë ai e ilustroi
me anë të një rrethi të vogël që është rrethi juaj shtëpiak. Ka
disa meshkuj që sillen ndaj grave e fëmijëve të tyre me aq
brutalitet e me ashpërsi aq të madhe saqë dridhet shpirti i
njeriut. Disa vajza më shkruajnë se ato arritën moshën e
pubertetit, por qysh nga mosha fëmijënore ato dëshmojnë për
sjelljet e vrazhda e mizore që kanë treguar etërit e tyre ndaj
nënave e ndaj vetë atyre. Mirëpo, ne nuk mund të lejojmë më.
Ato fshihen në dhomat e tyre sa hyn brenda në shtëpi babai i
tyre. Nëse ndodh që nëna ose njëra prej tyre flet diçka që nuk i
pëlqen atij, i ati bëhet aq agresiv sa që fillon t’i rrahë. Kjo është
vetëm arroganca që e bën të atin të sillet në mënyrë barbare e
të bëhet ekstremist. Shumica prej tyre tregojnë sjellje shumë të
mira, kur janë jashtë familjes, dhe njerëzit mendojnë se nuk ka
njeri më të sjellshëm se këta. Pra, paraqitja e jashtme shkon në
favor të tyre. Por ka disa njerëz që tregojnë sjellje të njëjta
arrogance brenda e jashtë familjes, dhe gjendja e tyre është e
njohur qartë prej të gjithëve. Si rezultat i kësaj, fëmijët e
njerëzve të tillë mizorë e arrogantë, veçanërisht djemtë, kur
rriten, tregojnë kundërshtimin e tyre ndaj sjelljeve të vrazhda e
mizore që etërit e tyre treguan ndaj nënave, motrave e kundër
119