Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Ahiretit është shumë e rëndësishme. Ai është një vendbanim i
përhershëm dhe i pafund. Nëse njeriu hyn në atë vend në një
gjendje ku i kishte pastruar marrëdhëniet e veta me Allahun,
dhe në zemrën e vet kishte frikën e Allahut dhe që e ruante
veten prej mëkateve të cilat Zoti i deklaroi mëkate, duke bërë
pendesë, atëherë mirësia e Zotit do ta drejtojë atë. Ai do të rrijë
në atë pozitë ku Zoti do të jetë i kënaqur me të e ai me Zotin e
vet. Po nëse dikush nuk vepron në këtë mënyrë dhe këtë jetë e
kalon me pakujdesi, do të ketë një përfundim të rrezikshëm.
Prandaj, në kohën e Bejtit, njeriu duhet të marrë një vendim të
prerë se çfarë qëllimi ka Bejti dhe çfarë dobi do të burojnë prej
tij. Nëse Bejti bëhet vetëm për qëllime të botës, është i kot dhe
i padobishëm. Por, nëse Bejti bëhet për hir të Zotit e të fesë,
atëherë ai është bekimdhënës dhe mbart me vete qëllimet e
synimet e vërteta. Mund të shpresohet se një Bejt i tillë do të
sjellë ato dobi që fitohen e burojnë nga Bejti i vërtetë.”
(“Malfuzat”, vol. 6, f. 142, Angli, 1984)
Allahu xh.sh. na mundësoftë që nga thellësia e zemrës ta
pranojmë Hazreti Mesihun e Premtuar a.s. si Imam të Kohës! Ai
dëshironte me mish e me shpirt të krijonte e të përgatiste një
Xhemat për të vendosur Mbretërinë e Zotit e të Profetit të Vet,
dhe na këshilloi me angështi e me dhimbje të zemrës. Allahu
xh.sh. na bëftë ashtu siç priste ai prej nesh! Allahu xh.sh. na
mundësoftë t’i plotësojmë të gjitha kushtet e Bejtit! Ai na
mundësoftë që të punojmë sipas tyre dhe t’i mbajmë gjithnjë
para syve tanë! Asnjë akt yni nuk duhet të na bëjë fajtor, duke
i kundërshtuar mësimet e Hazreti Mesihut të Premtuar a.s., dhe
ne duhet gjithnjë ta analizojmë veten! Zoti xh.sh. na ndihmoftë!
Sot, pas lutjes, ky tubim vjetor me ndihmën e me mirësinë e
Allahut xh.sh. do të marrë fund. Dëshiroj që ne, gjatë vitit, bile
gjatë tërë jetës, të kënaqemi nga bekimet e mirësitë e këtij
tubimi! Allahu xh.sh. gjithashtu e kultivoftë dhe e mbajt në
brezat tona pasardhëse lidhshmërinë e dashurisë ndaj Allahut
115