Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Hazret Anesi r.a. rrëfen se Profeti i shenjtë s.a.v.s. ka thënë:- Kush
i zotëron këto tri cilësi, shijon ëmbëlsinë e besimit: Së pari,
Allahu xh.sh. dhe Profeti i Tij të jenë më të dashur ndaj tij se çdo
gjë tjetër. Së dyti, ai ta dojë dikë vetëm për hir të Allahut xh.sh.
Së treti, ai ta urrejë kthimin e vet në mosbesim, ashtu siç i
frikësohet hedhjes në zjarr.
(Sahih Buhari, Kitabul Iman, Bab halavatil iman)
Hazreti Mesihu i Premtuar a.s. thotë:
“Shihni se Allahu xh.sh. në Kuranin e Shenjtë thotë:
1
Ka vetëm një rrugë për t’u bërë i dashuri i Zotit, që të bindesh
plotësisht ndaj Profetit të shenjtë s.a.v.s. ; dhe përveç kësaj rruge,
nuk ka asnjë rrugë tjetër që mund të të lidhë ty me Zotin.
Qëllimi i vetëm dhe më i lartë i njeriut duhet gjithnjë të jetë
kërkimi i Zotit Një. Ai duhet të jetë larg shirkut e zakoneve të
reja. Ai nuk duhet të bëhet pre e dëshirave, pasioneve,
zakoneve dhe epsheve. Dëgjoni se unë edhe një herë ju them se
njeriu nuk mund të arrijë sukses me anë të ndonjë rruge tjetër,
përveç rrugës së vërtetë të Profetit të shenjtë s.a.v.s.
Ne kemi vetëm një Profet s.a.v.s. ; dhe vetëm një Kuran të Shenjtë
që i është zbritur atij. Dhe duke e ndjekur atë, ne mund ta
gjejmë Zotin. “Zbulime” e zakone të reja të zbuluara prej
hermetikëve e oshënarëve të sotëm, mënyra të ndryshme të
mevludit e të hamajlive, të gjitha këto janë ato mjete që e çojnë
njeriun larg rrugës së drejtë. Pra, ju duhet t’u shmangeni. Këta
janë ata njerëz që tentuan ta thyenin Vulën e Profetëve, dhe
1 D.m.th. “Thuaj: Nëse e doni Allahun, atëherë më ndiqni mua. Kështu edhe
Allahu do t’ju dojë...”(Ale Imran, 3:32)
113