Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Pra, secili prej nesh duhet ta analizojë veten se sa shumë e do ai
Kuranin, i pranon urdhrat e tij dhe përpiqet e orvatet t’i zbatojë
praktikisht në jetën e vet. Aty ka rrugë e mënyra të ndryshme
për të shfaqur dashurinë. Më me rëndësi për një ahmadi është
që ai ta marrë përsipër si detyrë që për ditë të recitojë
rregullisht një pjesë të Kuranit (disa ruku). Mandej, duke bërë
hapin e dytë, ai duhet ta recitojë Kuranin me përkthim. Me anë
të leximit të Kuranit me përkthim për ditë, mësimet e bukura të
Kuranit dalëngadalë do të fillojnë të nguliten në trurin e tij në
mënyrë të ndërgjegjshme.
Një çështje tjetër që është shtjelluar nga Hazret Mesihu i
Premtuar a.s. në kushtin e gjashtë është, që bejtbërësi duhet t’i
marrë e t’i pranojë urdhrat e Allahut xh.sh. dhe të Profetit të Tij
si kod të jetës në çdo çështje; dhe kurdoherë në rast nevoje, do
t’iu drejtohet atyre e do të marrë këshilla prej tyre. Kjo nuk
është vetëm një fjalë bosh. Nëse do të mendoni thellë për këtë
udhëzim e porosi, do të zbuloni se ky ka një peshë shumë të
madhe për jetën e njeriut. Allahu xh.sh. thotë:
O ju besimtarë, binduni ndaj Allahut dhe ndaj Profetit të Tij
dhe ndaj autoriteteve tuaja. Dhe nëse nuk pajtoheni me ta,
lidhur me ndonjë çështje, ia drejtoni Allahut e Profetit të Tij,
110